TikTok jo vetëm që mbledh të dhëna për përdoruesit e tij brenda aplikacionit, por sipas një raporti të fundit, tani po gjurmon sjelljen tënde online edhe në faqe të tjera në internet, edhe nëse ti as nuk e ke përdorur apo instaluar aplikacionin. Teknologjia quhet “pikseli i ndjekjes”, një kod i vogël që shumë faqe interneti e vendosin për të ndihmuar reklamimin dhe analizën, por që gjithashtu mund të dërgojë te TikTok informacione rreth vizitave dhe ndërveprimit të përdoruesit në këto faqe.
Ky gjurmues është shumë i përhapur dhe mund të kapë disa detaje tepër personale. Gjatë testimeve të bëra nga ekspertë të privatësisë, ka pasur raste ku faqet për mbështetje të pacientëve me kancer apo organizata për shëndetin mendor kanë transmetuar te TikTok të dhëna si -statusi i sëmundjes apo ndjeshmëri të përdoruesit, edhe pse vizitori nuk kishte llogari TikTok.
Kjo është pjesë e një sistemi më të madh të ndjekjes dixhitale që përdorin shumë kompani teknologjike për të ndërtuar profile të hollësishme të përdoruesve në internet. Sipas ekspertëve të privatësisë, megjithëse ky model është përdorur prej vitesh nga kompani si Google dhe Meta, rritja e tij nga TikTok është shqetësuese për shkak të thellësisë së të dhënave që mund të shfrytëzohen për reklama shumë të synuara, diskriminim çmimesh apo për qëllime politike apo komerciale të sofistikuara.
TikTok vetë pranon se pikseli i ndjekjes është një praktikë e zakonshme në industri dhe thotë se faqet duhet të respektojnë ligjet e privatësisë dhe të mos dërgojnë informacione shumë sensitive. Kompania gjithashtu thekson rëndësinë e kontrolleve të privatësisë për përdoruesit e aplikacionit.
Si të minimizosh ndjekjen:
– Përdor shfletues me fokus tek privatësia si Firefox, Brave ose DuckDuckGo, të cilët kanë bllokues të ndjekjes më të fuqishëm.
– Instaloni shtesa për bllokimin e pikselëve dhe gjurmuesve si uBlock Origin, Ghostery ose Privacy Badger.
– Rivendos cilësimet e privatësisë në pajisje për të kufizuar ndjekjen e reklamave.
Këto hapa mund të reduktojnë sasinë e informacionit që TikTok ose rrjetet e tjera të mëdha të teknologjisë mund të mbledhin për ty, edhe nëse nuk përdor platformën drejtpërdrejt.
Ekspertët e privatësisë theksojnë se, derisa të vendosen rregullime më të rrepta ligjore dhe mekanizma kontrolli, përdoruesit duhet të jenë të vetëdijshëm se kjo gjurmim është pjesë e një ekosistemi më të gjerë të ndjekjes në internet, dhe hapësitë për të shmangur plotësisht këtë lloj mbledhjeje të të dhënave janë të kufizuara./ BBC
Postimi ” TikTok të gjurmon, edhe kur nuk e përdor aplikacionin ” eshte marre nga Revista Monitor.
