Me një emër si MrBeast, ndoshta ishte e pashmangshme të mos bëhej i famshëm. 23-vjeçari fitoi 54 milionë dollarë në vitin 2021, shifra më e lartë për çdo YouTuber në të gjitha kohërat. Videot e tij kanë pasur 10 miliardë shikime (dyfishin krahasuar me një vit më parë).
Çfarë u pëlqen kaq shumë njerëzve? Atyre u pëlqen të shikojnë akrobacitë dhe MrBeast është më i miri për të bërë gjërat më spektakolare.
MrBeast kryeson për herë të parë klasifikimin e YouTuber me fitimet më të larta dhe me shumë gjasa do të ketë një vend në mesin e artistëve më të paguar në botë. Në fakt, 54 milionë dollarët do ta kishin vendosur atë në Top 40 të klasifikimit Celebrity 100, ku renditen yjet më të paguar në botën e argëtimit, përpara Billie Eilish, Kim Kardashian, Angelina Jolie madje dhe BTS. Dy yjet pas MrBeast – Jake Paul (45 milionë dollarë) dhe Markiplier (38 milionë dollarë) – gjithashtu do të kishin qenë pjesë e Celebrity 100, me një prag prej 35 milionësh.
Në total, YouTuber kanë fituar të gjithë së bashku rreth 300 milionë dollarë në vitin 2021, një shifër rekord, në rritje me 40% krahasuar me një vit më parë, kryesisht falë rritjes së shikimeve në kanalet e tyre në YouTube dhe të ardhurave nga reklamat që gjeneruan nga ato video. Më shumë njerëz se kurrë kalojnë kohën në YouTube –platforma ka thuajse 2 miliardë përdorues, me rritje rreth 40% në pesë vjet.
Rreth gjysma e fitimeve të tyre vjen nga të ardhurat e reklamave. Për të rritur më shumë të ardhurat, gjithë këto yje kanë nisur edhe projekte merchandising. Dhe ata përpiqen në mënyra të ndryshme për të gjeneruar fitime të tjera me Twitch, Snap, Facebook, podcast, Nft madje edhe nga hamburgerët. Disa kanë nënshkruar edhe marrëveshje fitimprurëse me Spotter, një startup në Los Anxhelos, që blen të drejtat e videove të tyre të vjetra në YouTube.
Klasifikimi – 10 youtuber me fitimet më të larta në vitin 2021
1. MrBeast – 54 milionë dollarë
MrBeast është YouTuber me fitimet më të lartë në vitin 2021. 10 miliardë shikimet, së bashku me franchising e hamburger-ave MrBeast kanë thuajse dyfishuar të ardhurat e Jimmy Donaldson në vitin e 2021 (vitin e kaluar renditej i dyti).
2. Jake Paul – 45 milionë dollarë
Duke u futur në boks, Jake Paul u përfshi sërish në top 10. Luftimet e tij të nivelit të lartë përballë yjeve të UFC e kanë ndihmuar të fitojë 45 milionë dollarë në vitin 2021.
3. Markiplier – 38 milionë dollarë
Një tjetër krijues i rregullt i lojërave, Markiplier përdori zgjuarsinë për të krijuar një markë të suksesshme merchandising, duke fituar 38 milionë dollarë vitin e kaluar.
4. Rhett e Link – 30 milionë dollarë
Drejtuesit e geek chat show Good Mythical Morning fituan 30 milionë dollarë në vitin 2021.
5. Unspeakable – 28.5 milionë dollarë
Një hyrje e re, lojtari i Minecraft. Ai ia shiti të drejtat e back catalogue kompanisë Spotter vitin e kaluar, e cila kontribuoi në fitimet e tij prej 28.5 milionë dollarësh.
6. Nastya – 28 milionë dollarë
Vajza ruse 7-vjeçare ka thuajse 90 milionë ndjekës në YouTube. Të ardhurat në vitin 2021 ishin 28 milionë dollarë.
7. Ryan Kaji – 27 milionë dollarë
Recensuesi më i famshëm në botë zbriti nga maja e klasifikimit në vend të shtatë. Në vitin 2021, falë rishikimeve të lodrave, videove edukuese dhe vlog-ëve të familjes fitoi 27 milionë dollarë.
8. Dude Perfect – 20 milionë dollarë
Grupi i komedianëve Dude Perfect renditeshin të tretët në klasifikimin e 2020-s. Ata fituan 20 milionë dollarë vitin e kaluar.
9. Logan Paul – 18 milionë dollarë
Boksieri dhe vlogeri renditej i fundit në Top 10 në vitin 2017. Ai fitoi 18 milionë dollarë në vitin 2021.
10. Preston Arsement – 16 milionë dollarë
Preston Arsement e ka rritur komunitetin e tij në pjesën më të madhe falë videove të përqendruara në Minecraft. I pranishëm vazhdimisht në këtë listë, ai fitoi rreth 16 milionë dollarë në 2021, vetëm pak më pak se vitin e kaluar, kur renditej i gjashti.
