“Ndërhyrje e vonuar”, është cilësuar ndyshimi i ligjit “Për sistemin e taksave vendore” i cili u votua në Komisionin e Ekonomisë. Diskutimet ishin në kuadër të shqetësimit të ndërtimit të strukturave të ndërtimeve për qëllime blegtoriale dhe bujqësore.
“Po paguhej një nivel takse për ndërtimin e strukturave në shërbim të bujqësisë dhe blegtorisë e padrejtë.”, theksoi Shalsi.
Zv. Ministri i Bujqësisë Arian Jaupllari propozon të ketë një taksë të moderuar në infrastrukturë dhe të jetë e njëjtë në të githë Shqipërinë.
Nëse kjo iniciativë, e ka reduktuar TNI në këtë masë, unë do mendoja dy gjëra. Te kë të një taksë në infrastrutkurë dhe ajo mund të jetë 0.5%, dhe e dyta nuk ka pse të ketë ndryshime të TNI nga një rajon në tjetrin, dhe nga një bashki në tjetrën sepse në stallë do rrinë të njëjtat kafshë që rrinë edhe në Tiranë, edhe në Korçë edhe kudo.”, u shpreh Jaupllari.
Por nga opozita mbështejta e drejtpërdrejtë e fermerëve nis edhe nga taksa e insfrastrukturës, ndaj propozoi që taksa të zerohet.
“Tarifa të jetë unike dhe unë rekomandoj që të jetë 0”, shtoi deputeti i opozitës, Xhelal Mziu.
Ndryshimet në ligj janë mirëpritur dhe nga deputetët socialist.
“Paketë e plotë për ndërtimet që kanë të bëjnë me bujqësinë dhe blegtorinë, dhe ne atje kemi kërkuar ndryshim dhe ka të bëjnë me lehtësimin e procedurave për dhënie leje, dhe duke i dhënë bujqëve dhe blegtorëve të ndërtojnë struktura që kanë lartësi.”, u shpreh deputeti socialist Erion Braçe.
“Dua ta vijoj që kur kemi bërë ndryshimin dhe pas reformës administrative territoriale, kemi ngritur si deputetë të zonave përkatëse, ka qenë tarifa të papërballueshme për ata që jetojnë në zona të thella, për të ndryshuar çati, rikonstruksion apo ndërtim çatie”, tha Blerina Gjylameti.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
