Në 30 vite ekonomi e lirë në Shqipëri, sektori retail ka pësuar transformime të konsiderueshme. Në këtë kuadër u organizua forumi në UET me mbështetje kryesore të Grupit BALFIN si pjesë e aktiviteteve për 30-vjetorin e themelimit të tij nga Samir Mane. Përballë studentëve dhe të pranishmëve në këtë forum, zëvendëspresidenti i Retail-it në Grupin Balfin Julian Mane theksoi se retail është pjesë e rëndësishme e Balfin dhe se e ardhmja është kombinim midis fizikes dhe online-t.
“E gjitha nisi me guxim. Rrugëtimi sigurisht nuk ka mbaruar, vazhdon. Ne si Balfin duhet të shkojmë aty për t’i gjetur ata. Pra nuk duhet të presim që klienti të vij te ne, por jemi ne ata që do shkojmë te klienti. Absolutisht ky kombinim midis prezencës fizike dhe shitjeve online them se do të jetë çelësi i suksesit”.
Në fjalën e saj Presidentja e Bashkimit të Dhomave të Tregtisë dhe Industrisë në Shqipëri Ines Muçostepa, tregoi për sfidat që hasin bizneset në tregëtinë e lirë.
“Natyrisht sfidat janë të shumta, megjithatë bizneset janë një dëshmi e forte. Vërtetë që kemi Balfin Grup, por të themi është një histori pak a shumë e të gjithë bizneseve që e kanë filluar me ato shitjet e vogla dhe tashmë po fillojnë dhe po konsolidohen. Pra sfidat e bizneseve tona në fushën e tregtisë tashmë janë në tre tipe të ndryshme axhendash në të cilat ne jemi duke punuar”.
Dekani i Fakulteti të Ekonomisë në Universitetin Europian të Tiranës professor Elvin Meka vuri theksin në gatishmërinë e sistemit bankar për të mbështetur biznesin.
“Po ashtu edhe bankat nuk kanë mbetur mbrapa të nuhaturit për të kuptuar dhe shërbyer, pra për t’i qëndruar në krah, pikërisht këtyre nuhatjeve specifike të sipërmarrës që suksesshëm dhe të veçantë ka. Patjetër bankat jo sot, por gjithmonë janë në ndjekje të këtyre ideve interesante të suksesit.”
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
