Banka qendrore ul perspektivat e rritjes, por gjithashtu thekson rrezikun e inflacionit të vazhdueshëm
Banka e Anglisë (BoE) ka mbajtur në pritje normat e interesit në 4.75 %, ndërsa kërkon të përballet me inflacionin e vazhdueshëm dhe rritjen e dobët ekonomike.
Në një vendim të ndarë, shumica e anëtarëve të Komitetit të Politikës Monetare (MPC) paralajmëruan se rritjet e fundit të pagave dhe çmimeve kishin “shtuar rrezikun e vazhdimësisë së inflacionit”, duke zbehur shpresat për ulje të shpejtë të normës në vitin 2025.
“Ne mendojmë se një qasje graduale ndaj uljeve të ardhshme të normave të interesit mbetet e drejtë,” tha Andrew Bailey, guvernatori i BoE. “Por me pasigurinë e shtuar në ekonomi, ne nuk mund të angazhohemi se kur ose me sa do të ulim normat në vitin e ardhshëm.”
Ai shtoi se BoE duhet të sigurohej se mund të përmbushë “objektivin e saj të inflacionit 2 % mbi një bazë të qëndrueshme”.
Vendimi i MPC, i cili ishte në përputhje me parashikimet e ekonomistëve të anketuar nga Reuters, vjen një ditë pasi të dhënat treguan se inflacioni në Mbretërinë e Bashkuar u rrit në 2.6 % muajin e kaluar, nga 2.3 % në tetor.
Por tre nga nëntë anëtarët e MPC-së – zëvendësguvernatori Dave Ramsden, Alan Taylor dhe Swati Dhingra – votuan për një reduktim me çerek pikë për shkak të kërkesës së ngadaltë dhe një tregu më të dobët të punës.
Stafi i BoE tani pret rritje zero në tremujorin e fundit të këtij viti, më e dobët se parashikimi në nëntor.
“Shumica e treguesve të aktivitetit afatshkurtër në Mbretërinë e Bashkuar kanë rënë,” tha banka qendrore.
Ajo shtoi se rreziqet ndaj rritjes globale dhe inflacionit nga tensionet gjeopolitike, si dhe pasiguria e politikës tregtare ishin “rritur materialisht” – një referencë e dukshme ndaj planeve të presidentit të zgjedhur të SHBA-së, Donald Trump për të rritur tarifat mbi importet në SHBA.
Yield-et e bonove të qeverisë ranë pak pas njoftimit të pritur gjerësisht. Paundi ra në 1.260 dollarë, megjithëse ishte ende 0.2 % në rritje gjatë ditës.
Rendimenti i obligacioneve qeveritare dyvjeçare të ndjeshme ndaj normës ra lehtë në 4.46 %.
Tregtarët ende presin, që BoE të bëjë dy ulje për tremujor vitin e ardhshëm.
“Votimi ishte më i çuditshëm nga sa priste tregu, duke sugjeruar se ka shkuar shumë larg kohët e fundit për të ulur çmimet e normave për vitin e ardhshëm,” tha Lee Hardman, analist i lartë në MUFG.
BoE uli normat me një çerek pikë në takimin e saj të mëparshëm në nëntor, por sinjalizoi në atë kohë se një ulje tjetër nuk kishte gjasa deri në vitin 2025. Banka ka ulur normat dy herë në 2024. / FT
Postimi ” Banka e Anglisë mban normat e interesit të pandryshuara në 4.75% ” eshte marre nga Revista Monitor.
