Enti Rregullator i Energjisë ka vendosur shtyrjen e aplikimit të disa detyrimeve mbi arritjen e treguesve të cilësisë së shërbimit ndaj klientit, për furnizuesit e energjisë elektrike. Vendimi erdhi pas kërkesës së Shoqatës Shqiptare së Furnizuesve me Energji Elektrike mbi rregulloren, që gjithsesi kërkonte një ndarje të treguesve që duhet të përmbushen, në bazë të nivelit të tensionit të klientit fundor, për shkak të numrit të kufizuar të klientëve fundorë.
Megjithatë, ERE ka vlerësuar se pavarësisht kërkesës së shoqatës për aplikimin e përjashtimeve të propozuara vetëm për furnizuesit që furnizojnë konsumatorë të lidhur në tension të mesëm dhe të lartë, parimi i mos diskriminimit të të gjithë pjesëmarrësve të tregut duhet të prevalojë, duke përfshirë të gjithë furnizuesit që ushtrojnë aktivitet në treg të lirë, për konsumatorëtë lidhur në të gjitha nivelet e tensionit.
Kjo do të thotë se nga detyrimet përjashtohet edhe Furnizuesi i Shërbimit Universal, pjesë e OSHEE Group, për aktivitetin e tij si Furnizues i Mundësisë së Fundit. Ndërkaq, sa i takon detyrimeve që shtyhen ato lidhen kryesisht me dhënien e informacioneve nëpërmjet shërbimeve telefonike, publikimin ekushteve të përgjithshme të furnizimit, auditimin e brendshëm të përformancës së shërbimit të klientit jo më pak se 1 herë në vit, realizimin i anketave dhe raporteve peridike, që duhet të depozitohen në ERE, etj. Shtyrja e aplikimit të detyre detyrimeve do të jetë deri në fund të këtij viti.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
