Rritja e pagave për administratën publike, ministrat e presidentin pritet të sjellë një efekt financiar në buxhetin e shtetit në vlerën e 11 miliardë lekëve për 2023. Në një konferencë për treguesit ekonomik, ministrja e Financave Delina Ibrahimaj e konsideroi si të nevojshme reformën e ndërmarrë për rritjen e pagave, për të luftuar efektet negative të situatës aktuale.
“Rritja e pagave në buxhet për tetë muajt, pra prill-dhjetor 2023. Efekti financiar pritet të jetë rreth 11 miliardë lekë. Edhe për vitin 2024 përllogaritet po e njëjta vlerë, 11 miliardë lekë. Ndërsa nga 2025 e tutje efekti do të jetë në total 39 miliardë lekë. Diferenca e përqindjes midis administratës dhe rritjes së pagës së presidentit dhe ministrave dhe deputetëve është e madhe, 98.5% kundrejt 1.5%”.
DELINA IBRAHIMAJ, MINISTRE E FINANCAVE
Teksa bëri një bilanc të ekonomisë shqiptare përgjatë pjesës së parë të këtij viti, Ibrahimaj tha se inflacioni i lartë do të vazhdojë të jetë sfida kryesore edhe e këtij viti.
“Në muajin maj inflacioni rezultoi në 4.7% ndërsa si përmbledhje 5 mujore rezultoi 5.8%. Komponenti kryesor në ndikimin e inflacionit ka qenë inflacioni i p ushqimeve. Një prej elementeve që e ka mbajtur inflacionin në norma të kontrolluara ka qenë dhe kursi fleksibël i këmbimit. Brenda vitit të ardhshëm inflacioni parashikohet që të kthehet në objekti.”
DELINA IBRAHIMAJ, MINISTRE E FINANCAVE
Rritja ekonomike në 3 muajt e parë të vitit llogaritet në 2.7%. Ibrahimaj tha se edhe në muajt në vijim ekonomia do të ketë ecuri pozitive, ndikuar më së shumti nga sektori i turizmit.
Burimi: A2 CNN
