Meta, kompania mëmë e Facebook dhe Instagram, po shqyrton ndalimin e reklamave politike nga platforma e saj në Evropë. Kjo pasi kompania nuk do të mund të respektojë tre ligjet e fushatës në BE.
Në Bruksel janë duke u propozuar një sërë rregullash për platforma të mëdha si Facebook dhe Google, të cilat do t’i detyrojnë kompanitë që të zbulojnë informacione rreth reklamave politike, si p.sh. sa kushtojnë, kush ka paguar për to dhe sa përdorues i kanë parë.
Zyrtarët e Meta-s, sipas asaj që raporton Guardian, kanë reaguar të shqetësuar rreth këtyre ndryshimeve.
Ata janë veçanërisht të interesuar se sa i gjerë do të jetë qëllimi i termit “reklamim politik” dhe sa e vështirë do të jetë për platformën që t’u përmbahet rregullave.
Në këtë kontekst Meta po shqyrton nëse është më e lehtë të refuzohen të gjitha reklamat politike për të mos shkelur rregullat e BE-së.
Ndikimi në të ardhurat e kompanisë nuk do të jetë i konsiderueshëm sepse reklamat politike sjellin relativisht pak të ardhura.
Të ardhurat nga reklama të tilla në SHBA ishin 800 milionë dollarë midis viteve 2019 dhe 2020, më pak se 1% e të ardhurave totale nga reklamat.
Meta dhe Twitter, ndër të tjera, janë kritikuar për lehtësinë me të cilën përdoruesit e tyre përhapin informacione të pavërteta dhe teori konspirative, duke manipuluar votuesit.
Burimi: A2 CNN
