Rezerva Federale pritet ulë kostot e huamarrjes të mërkurën, si dhe të marrë vendimin për normat e interesit dhe parashikimet ekonomike për muajt e parë të administratës së ardhshme Trump.
Lëvizja e parashikuar me çerek përqindje do të ulte normën bazë të politikës monetare të bankës qendrore të SHBA në intervalin 4.25%-4.50%, një pikë përqindje e plotë më poshtë se sa ishte në shtator, kur filloi të lehtësonte politikën e shtrënguar monetare të përdorur për të kundërshtuar rritjen e inflacionit, që filloi në vitin 2021.
Si do të jetë tendenca e rënies së normave vitin e ardhshëm, mbetet gjithnjë e më e pasigurt me inflacionin ende mbi objektivin prej 2% të Fed dhe ekonominë që po rritet më shpejt se sa pritej. Faktorë të tjerë që mund të ndikojnë janë politikat, që do të ndjekë Presidentit të sapozgjedhur Donald Trump për tarifat, taksat dhe emigracionin. Të gjitha këto mund të ndryshojnë peizazhin ekonomik në mënyra të paparashikueshme.
Zyrtarët e Fed parashikuan uljen e normës bazë me një tjetër pikë përqindjeje të plotë, në rreth 3.4% deri në fund të 2025.
Ndërmjet të dhënave, që tregojnë se inflacioni ka ngecur mbi objektivin prej 2% dhe fitoren e Trump në zgjedhjet presidenciale të 5 nëntorit, investitorët tani parashikojnë se Fed mund të ulë normën bazë me vetëm gjysmë pikë përqindje vitin e ardhshëm.
“Ndërsa Fed do të mbetet e prirur për të arritur një lehtësim shtesë për vitin 2025, udhëzimet në lidhje me ritmin e uljes së normave ka të ngjarë të jenë më të kujdesshëm në të ardhmen,” shkruajtën ekonomistët me TD Securities.
Të dhënat, duke përfshirë publikimin e një raporti të shitjeve me pakicë për nëntorin, nuk kanë ndikuar shumë në përshkrimin e Fed-it pas takimit të fundit të politikave, ku zyrtarët u shprehën se ekonomia po rritet me një “ritëm të qëndrueshëm” me papunësi të ulët dhe inflacion që, megjithëse bie, ” mbetet disi i lartë”.
Midis një deklarate të re politike, parashikimeve dhe konferencës për shtyp të Poëell-it, rezultati neto ka të ngjarë të jetë “një ulje e mprehtë” me një ritëm më të ngadaltë reduktimesh që do të pasojnë, shkroi Diane Swonk, kryeekonomiste në KPMG.
Trump merr detyrën më 20 janar dhe Fed mblidhet një javë më vonë, më 28-29 janar. Një total prej 58 nga 99 ekonomistë në një sondazh të fundit të Reuters, thanë se ata prisnin që banka qendrore e SHBA-së të anashkalonte uljen e normave në atë takim, ndërsa politikëbërësit vlerësojnë se si po evoluon ekonomia. / Reuters
Postimi ” Fed pritet të kombinojë uljen e normës me perspektivë monetare strikte në 2025 ” eshte marre nga Revista Monitor.
