Në mediat sociale po qarkullon një teori konspirative, sipas së cilës, në një pikturë të shekullit të 19-të, shihet një objekt shumë i ngjashëm me një iPhone.
Në pikturën, e cila tregon poetin skocez Robert Burns dhe të dashurën e tij, Mary Campbell, një objekt drejtkëndor i errët që ata të dy mbajnë në dorë, është krahasuar me një iPhone në mediat sociale.
Piktura, “Fejesa e Burns dhe Highland Mary”, përshkruan poetin skocez Robert Burns dhe të dashurën e tij, Mary Campbell, të dashuruar me njëri-tjetrin dhe të dy shihen duke mbajtur një drejtkëndësh të errët të ngjashëm me një iPhone.
Kjo pikturë bëri që disa artdashës të mendojnë për udhëtimin në kohë. Megjithatë, drejtkëndëshi misterioz i zi është në të vërtetë Bibla. Sipas traditës skoceze, kur çiftet deklarojnë dashurinë e tyre, ata shkëmbejnë Biblat e tyre. Prandaj, ky objekt mund të konsiderohet një Bibël dhe jo një iPhone.
Kjo nuk është hera e parë kur hidhen hipoteza të gjurmëve të një smartphone në një pikturë. Më herët, në një pikturë të vitit 1937, u vu re se një burrë kishte në dorë një objekt që dukej si një pajisje e teknologjisë moderne.
Kjo situatë, e cila është ndeshur shpesh në rrjetet sociale kohët e fundit, zakonisht shkaktohet nga keqinterpretimi i objekteve historike në piktura.
![](https://wallstreet.al/ngarkuara/Gjurmet-e-iPhone-ne-pikturen-e-shekullit-te-19-te.webp.webp)
![](https://wallstreet.al/ngarkuara/Gjurmet-e-iPhone-ne-pikturen-e-shekullit-te-19-te.jpg)
Burimi: A2 CNN