Huawei ka prezantuar makinën e saj të parë SUV që do të dalë së shpejti në treg.
Marka e njohur për celularë, e cila prezantoi në vitin 2022 makinën e saj të parë SL03, ka vendosur ta quajë Shenlan S7 mjetin e ri.
Pjesa e përparme e makinës është e lartë dhe spektakolare, me fenerë LED sportivë.
Duket se do të prodhohen dy variante të S7. Versioni i parë do të jetë totalisht elektrik, ndërsa tjetri do të jetë elektrik, por me motor benzene me 4 cilindra.
Shfaqja e parë në publik e kësaj makine do të jetë në Sallonin e Automobilëve të Shangait, në muajin prill, pak përpara se të nisin shitjet në Kinë. Mendohet që Shenlan S7 do të kushtojë rreth 22 000 euro.
Burimi: A2 CNN
