Sektori i industrisë përpunuese ka hyrë në vitin e dytë të rënies së aktivitetit.
Të dhënat nga statistikat afat-shkurtra që u publikuan nga INSTAT tregojnë se në prill-qershor 2024 indeksi i punësimit në sektorin e industrisë përpunuese shënoi rënie me -6.3%.
Industria përpunuese e cila më së shumti përfaqësohet nga fabrikat e fason për eksport është në vështirësi për një seri faktorësh të brendshëm dhe të jashtëm që të kombinuara bashkë sollën rënien.
Në tregun e brendshëm rënia e vazhdueshme e euros në këmbim me lekun dhe rritja e pagës minimale nga 30 mijë lekë në 40 mijë në harkun e një viti ulën marzhet me 2023, teksa këtë vit kërkesa nga jashtë ka pësuar rënie të fortë. Shitjet e veshjeve dhe këpucëve kanë pësuar rënie në rang global këtë vit edhe pse inflacioni u stabilizua.
Të dhënat tregojnë se edhe këtë vit një numër i madh punonjësish ka humbur vendin e punës në këtë sektor.
Gjithashtu në sektorin e prodhimit të energjisë indeksi i punësimit ra -5.7 % në tremujorin e dytë të vitit 2024 në krahasim me një vit më parë.
Në të kundërt punësimit pësoi rritjen më të lartë vjetore në sektorin e informacionit dhe komunikimit dhe në hotele me 12 dhe 11.6 % për qind secila. Të dy këto aktivitete kanë përformuar mirë këtë vit në të gjithë treguesit si në punësim, paga dhe volumet e shitjes.
Sektori i hotelerisë ka parë zhvillime pozitive në vitet e fundit nga ritmet e larta të rritjes së vizitorëve. Hoteleria po kryeson tregjet më përthithjen e bizneseve të reja, por ndërkohë të dhënat tregojnë se këto aktivitete kanë ecuri më të mirë në raport me të tjerat.
Agjencitë e udhëtimit gjithashtu kishin rritje vjetore me 9.8 për qind të indeksin e punësimit në tre-mujorin e dytë për shkak të rritjes së volumit të vizitorëve të huaj dhe gjithashtu rritjes së fluksit të shqiptarëve që udhëtojnë jashtë vendit.
Dy vitet e fundit ka zhvendosje të dukshme të aktivitetit ekonomik nga prodhimi drejt shërbimeve. Rritja me shpejtësi e vizitorëve të huaj në vendin tonë është një mundësi për të rritur më tej ekonominë dhe mirëqenien në vend.
Përvojat e vendeve të tjera mesdhetare (Italia, Greqia, Turqia, Spanja etj) na tregojnë se, nga turistët nuk përfitojnë vetëm hotelet dhe restorantet, por të shumë sektorë të tjerë që lidhen me prodhimin dhe sidomos bujqësia dhe i gjithë zinxhiri i furnizimit që i nevojitet turizmit. Kjo lidhje e bën turizmin gjithëpërfshirës dhe zgjeron përfitimet tek më shumë njerëz.
Apo ecën në këtë trajektore Shqipëria. Të dhënat tregojnë një prirje të kundërt. Teksa numri i turistëve është duke u rritur në rekorde, sektori i prodhimit, bujqësia, industria dhe eksportet në përgjithësi po bien me shpejtësi.
Të dhënat zyrtare të INSTAT se numri i të huajve në territorin shqiptar ka pësuar rritje me mbi 30% në gjysmën e parë të vitit, por nga ana tjetër eksportet shënuan rënie me 22,2 për qind në janar gusht 2024./B.Hoxha
!function(){“use strict”;window.addEventListener(“message”,(function(a){if(void 0!==a.data[“datawrapper-height”]){var e=document.querySelectorAll(“iframe”);for(var t in a.data[“datawrapper-height”])for(var r=0;r<e.length;r++)if(e[r].contentWindow===a.source){var i=a.data["datawrapper-height"][t]+"px";e[r].style.height=i}}}))}();
Postimi ” Industria dhe energjia raportojnë rënie të punësimit, rritje hotelet dhe TIK ” eshte marre nga Revista Monitor.
