Çmimet e energjisë dhe bursat globale janë tronditur në ditët e fundit, pasi presidenti amerikan Donald Trump kërcënoi se do të shkatërrojë termocentralet dhe urat e Iranit nëse vendi nuk rihap ngushticën e Hormuzit, sipas Reuters.
Reagimi në tregje ka qenë i menjëhershëm. Çmimet e naftës u rritën me mbi 11% për WTI dhe rreth 8% për Brent, duke iu afruar niveleve mbi 110 dollarë për fuçi, ndërsa frika për ndërprerje të furnizimeve ka shtuar presionin edhe mbi tregjet e gazit.
Në Europë, çmimet e gazit në bursën TTF kanë luhatur në intervalin 50–60 euro/MWh, me rritje të forta në disa seanca, ndërsa analistët paralajmërojnë për rrezik të mëtejshëm nëse tensionet përshkallëzohen gjatë sezonit të rimbushjes së rezervave.
Sipas Reuters, konkurrenca për LNG mes Europës dhe Azisë është intensifikuar, duke rritur kostot e furnizimit, ndërsa primet për naftën amerikane kanë arritur nivele rekord për shkak të kërkesës së lartë globale.
Postimi ” Kërcënimet e Trump ndaj Iranit rrisin çmimet e energjisë ” eshte marre nga Revista Monitor.
