Depozitat e shqiptarëve u rritën në 11.2 miliardë lekë në fund të janarit, por shqiptarët shprehen se nuk po arrijnë të kursejnë.
Të dhënat e Bankës së Shqipërisë tregojnë se llogaritë bankare mbajnë 1.3 trilionë lekë, nga 1.23 trilionë për të njëjtë periudhë të një viti më parë. Megjithatë, shifrat tregojnë për një trend ngadalësimi të këtyre depozitave, që lidhet edhe me krizën e çmimeve.
Ushqimet dhe karburantet kryesojnë listën për shtrenjtimin e mallrave, dhe qytetarët ankohen se nuk i dalin llogaritë të kursejnë në fund të muajit. Sipas tyre, është shumë e vështirë të heqësh para mënjanë, kur rrogat nuk arrijnë të mbulojnë as shpenzimet më minimale.
“Nuk kam kursime, do të thotë që nuk ia dal dot”, thotë një qytetar. “Çmimet kanë hipur mbi tavan”. “Ne shqiptarët prishim pak shumë. Gjithmonë bëj debat, edhe me fëmijët, edhe me gruan… Shoh kafet plot”, thotë një tjetër.
Kursimi është tërësisht i pamundur për pensionistët, të cilët nëse nuk ndihmohen nga familja, nuk arrijnë dot të sigurojnë as ilaçet për shëndetin e tyre.
Sipas indeksit botëror Numbeo, kostot e shtrenjtuara të jetesës e kanë kthyer Tiranën në qytetin me fuqinë më të ulët blerëse në Europë. Me nivelin aktual të inflacionit, një familjeje i duhen së paku 10 mijë lekë shtesë çdo muaj.
Nuk prishet tradita: Qeveria zgjidhi qesen në dhjetor, ndërsa të ardhurat u frenuan
Shqiptarët largohen nga dyqanet e lagjes apo kafenetë, investojnë në TIK
Burimi: A2 CNN
