Ministrja e Punëve të Jashtme Luminița Odobescu ka zhvilluar një vizitë zyrtare në Tiranë të martën, më 14 nëntor 2023, në kuadër të një turneu në Ballkanin Perëndimor, i cili përfshin edhe Republikën e Maqedonisë së Veriut dhe Malin e Zi.
Në kontekst të përvjetorit të 110 vjetorit të ngritjes së marrëdhënieve diplomatike mes Rumani dhe R. Shqipërisë në vitin 2023, ministrja e Punëve të Jashtme të Rumanisë ka zhvilluar takime politike me ministrin për Evropën dhe Punët e Jashtme të Republikës së Shqipërisë, Igli Hasani.
Për sa i përket marrëdhënieve bilaterale, të dy bashkëbiseduesit kanë theksuar rëndësinë e zgjerimit të kontakteve politike në të gjitha nivelet dhe diversifikimin e shkëmbimeve ekonomike dhe bashkëpunimit sektorial, përfshirë fushat e drejtësisë, mbrojtjes, sigurisë kibernetike, energjisë dhe arsimit. Fusha e arsimit dhe promovimi i të rinjve janë gjithashtu prioritete të projekteve të zhvilluara nga Rumania në Shqipëri, përmes Asistencës Zyrtare për Zhvillim.
Në këtë kontekst, pala rumune ka shprehur pritshmërinë që nisja e fluturimeve direkte nga Bukureshti në Tiranë, në tetor 2023, të çojë në rritjen e konsiderueshme dhe diversifikimin e tregtisë dhe kontakteve ndërnjerëzore bilaterale.
Shefja e diplomacisë rumune ka theksuar rëndësinë që Rumania i kushton ruajtjes së identitetit etnik, kulturor dhe gjuhësor të minoritetit kombëtar aromun në Shqipëri. Pala rumune ka shprehur gjithashtu besimin se procesi i kthimit të shtëpisë së Iorgës në Sarandë tek shteti rumun do të përfundojë sa më shpejt.
Në nivel europian, zyrtarja rumune ka vlerësuar pajtimin e plotë të Republikës së Shqipërisë me Politikën e Përbashkët të Sigurisë Evropiane, si një shprehje e qartë e orientimit strategjik të Shqipërisë, që Rumania inkurajon në dialogun me të gjithë partnerët në rajon. Ajo gjithashtu ka mirëpritur mbështetjen masive të popullsisë shqiptare për qëllimin e anëtarësimit në BE, si dhe angazhimin e të gjithë klasës politike në Shqipëri. Në këtë kontekst, ka theksuar nevojën për të vazhduar përpjekjet drejt reformave evropiane në një ritëm të vazhdueshëm, me një rol transformues dhe modernizues të gjithë shoqërisë.
Ministrja rumune ka vlerësuar rolin aktiv të Shqipërisë si anëtar jo-permanent në Këshillin e Sigurimit të OKB-së, në mandatin 2022-2023, me një theks të veçantë në rolin kryesor të Tiranës në promovimin e rezolutave të Këshillit të Sigurimit në lidhje me ndëshkimin e sulmit agresiv të Federatës Ruse kundër Ukrainës.
Në krah të konsultimeve me ministrin për Evropën dhe Punët e Jashtme të Republikës së Shqipërisë, Igli Hasani, është nënshkruar Plani i Veprimit 2024-2025 për bashkëpunimin midis Ministrive të Punëve të Jashtme të Rumanisë dhe Republikës së Shqipërisë.
Vizita ka përfshirë gjithashtu një takim me Negociatoren Kryesore Shqiptar për anëtarësimin në Bashkimin Evropian, Majlinda Dhuka, ku janë diskutuar mënyrat praktike për vazhdimin dhe forcimin e mbështetjes së Rumanisë për avancimin e Shqipërisë në rrugën e saj evropiane.
Në këndvështrimin e publikimit të paketës së zgjerimit nga Komisioni Evropian më 8 nëntor 2023, ministrja Luminița Odobescu ka shprehur mbështetjen për qëllimin e hapjes efektive të bisedimeve për anëtarësim me Shqipërinë. Gjithashtu, ka theksuar nevojën për vazhdimin e reformave, përfshirë fushën e sundimit të ligjit dhe luftën kundër korrupsionit. Në këtë drejtim, ka konfirmuar gatishmërinë për vazhdimin e ofrimit të ekspertizës nga Rumania në procesin e anëtarësimit të Shqipërisë në BE.
Video nga : Website zyrtar i Ministrisë së Punëve të Jahstme të Rumanisë
