Kryeministri Edi Rama ka paralajmëruar që paga minimale të arrij në 40000 mijë lekë, por kush do të përfitoj dhe kush do të rëndohet nga kjo rritje e pagës minimale. “Është hera e parë që bëhet një kapërcim i tillë, është kosto për bizneset. Është 6 mijë lekë rritja e pagës dhe 1 mijë lekë. Për një punonjës do të ketë 7 mijë lekë rritje page e cila përkthehet në kosto për bizneset. Ndërsa për të vetpunësuarit, do të mbartet me kosto të shtuara të sigurimeve”, tha Rama.
Për të vetpunësuarit rritja e pagës minimale në 40000 lekë do t’i shtoj kostot një të vepunësuari 1788 lekë. Ndërsa për një punonjës me pagë minimale, një biznes do të paguajë 11160 lekë, ose 1674 lekë më shumë.
“Një i vet punësuar do të ketë rreth 2 mijë lekë të reja. Ka ato biznese deri në 10 të punësuar, do e ndjenë më shumë këtë ndryshim. Se është rreth 7 mijë lekë për punonjës kostoja e rritur. Fasoneritë kanë nr shumë të lartë punonjësish, dhe dominohen nga punë me pagë minimale. Një fasoneri që ka 1000 të punësuar do të ketë ndikim domethënës”, tha ai.
Një tjetër fenomen që vijon të jetë prezent është kthimi i një pjese të pagës mbrapsht. “Është për të ardhur keq, ne e ndeshim në zonat rurale, ku është fenomen i shpeshtë. Fokus i madh duhet të bhërë pasi punonjësit nuk ka kuptim ndryshim i pagave minimale, ku punonjësit duhet të kthejnë pagat minimale”, u shpreh Rama.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
