Me gjithë çmimet e shtrenjta, interesat e kredive të dyfishuara apo euron që zhvlerësohet dita-ditës, qytetarët dhe sipërmarrjet shqiptare besojnë se ekonomia e vendit është në ditët më të mira.
Industria është sektori me rritjen më të madhe të besimit, tregues si cili u rrit me 3.8 pikë muajin e shkuar, ndikuar nga pritshmëritë më optimiste për prodhimin aktual dhe për kontratat porositëse.
Ndërtimi është sektori tjetër që po çon para optimizmin në ekonomi, nisur nga aktiviteti aktual dhe porositë. Edhe pse me çmimet që duket se kanë ndalur rritjen, treguesi i besimit te pasuritë e paluajtshme u rrit me 0.4 pikë gjatë prillit, duke qëndruar në të njëjtin nivel me marsin.
Tregtia, ashtu si shërbimet, po përfiton nga rënia e kursit të këmbimit të valutave dhe nga rikthimi i kërkesës në nivele të larta në treg. Besimi në këtë sektor muajin e shkuar u rrit me 1.2 pikë.
Me bizneset që thuajse të gjitha shprehen të gjitha optimiste, konsumatorët nga ana tjetër deklarojnë rritje të besimit për të disatin muaj radhazi, duke iu afruar niveleve më të larta, qëkurse nisi kriza e çmimeve në shtator 2021. Qytetarët perceptojnë se shtrenjtimi i mallrave dhe shërbimeve po ngadalësohet ndjeshëm, ndërsa deklarojnë se të ardhurat e tyre po përmirësohen dhe janë gati për t’iu rikthyer edhe blerjeve të mëdha.
Rritja e këtyre treguesve, gjatë muajit të shkuar, ka ndikuar edhe në tablonë e përgjithshme të besimit në ekonomi. Për të pestin muaj me radhë, treguesi i ndjesisë vijoi përmirësimin duke arritur në 114.6 pikë.
Sektori i vetëm që shënoi rënie të besimit muajin e shkuar ishin shërbimet, megjithatë treguesi mbeti mbi mesataren afatgjatë.
Burimi: A2 CNN
