Në Komisionin parlamentar të Ligjeve u prezantua raporti i Departamentit të Administratës Publike për vitin 2022, ku drejtoresha e këtij institucioni Albana Koçiu u ndal në punët e kryera në 8 vite.
“Arritje rëndësishme është çelja e negociatave me BE. Aktualisht ka nisur puna për të shkruar strategjinë e re 2023-2030. Nga strategjia e mëparshme kishte 103 nën aktivitete, të cilat 82% janë aktivizuar, 23% janë në proces.”
Një nga përgjegjësitë e Departamentit të Administratës publike është dhe plotësimi i vendeve vakante në shërbimin civil.
“Mund të them që për vitin 2022, kemi 98% zbatim të planit vjetor të pranimit dhe 78% plotësim të vendeve vakante në raport me pozicionet e shpallura. Për vitin 2022 kemi 1070 vende të evidentuara të lira, 576 procedura konkurrimi të zhvilluara dhe 830 pozicione të plotësuara”.
Një element shumë i rëndësishëm është dhe niveli i rritjes së pagave, ku DAP ka kryer një analizë të sistemit të pagave.
“Kemi konsideruar që ka nevojë për të bërë disa përmirësime legjislacioni i shërbimit civil përsa i përket strukturës së pagave”.
Unë kam vetëm një sugjerim, në disa institucione është mirë që procedurat të përshpejtohen për shkak të mungesës së funksionimit të institucionit, sidomos në rrethe.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
