Teksa udhëzimi i ri për taksimin e dyfishtë ka hyrë në fuqi në datën 13 dhjetor 2024, tatimpaguesit së shpejti do të kenë mundësi të dorëzojnë dokumentacionin elektronikisht.
Por, tatimet kanë sqaruar bizneset se deri atëherë, dorëzimi do të kryhet vetëm pranë Drejtorisë së Përgjithshme të Tatimeve (DPT), ndërsa formulari i saktë është në link:
https://www.tatime.gov.al/…/formular-per-zbatimin-e…
Udhëzimi “PËR ZBATIMIN E MARRËVESHJEVE PËR SHMANGIEN E TATIMIT TË DYFISHTË DHE PARANDALIMIN E EVAZIONIT FISKAL u miratua në korrik 2024.
Ky udhëzim përcakton kriteret dhe procedurat për zbatimin e dispozitave të Marrëveshjeve për Shmangien e Tatimit të Dyfishtë dhe Parandalimin e Evazionit Fiskal.
Ekonomistë pohojnë se deklarimi i dokumenteve elektronikisht është një lehtësi e madhe për bizneset, pasi dorëzimi fizik i tyre shkaktonte vonesa në kthimin e përgjigjes, madje kishte raste kur dhe dokumentet humbnin.
Tatimet pohojnë se po punojnë për të bërë të mundur deklarimin elektronik të dokumentacionit, dhe sistemi do të jetë gati shpejt.
Kuptimi i taksimit të dyfishtë
Tatimi mbi të ardhurat zbatohet si për individët rezidentë edhe ato jorezidentë.
Individët rezidentë i nënshtrohen detyrimit për tatimin mbi të ardhurat personale gjatë periudhës tatimore, për të gjitha burimet e të ardhurave të realizuara në shkallë botërore, pra në Shqipëri dhe kudo gjetkë, (parimi i rezidencës),
Kur një individ rezident, siguron nga burime jashtë territorit shqiptar të ardhura, tatimi mbi të ardhurat personale, i pagueshëm nga ai rezident, lidhur me këto të ardhura, reduktohet(kreditohet) me atë masë të tatimit të huaj të paguar mbi ato të ardhura
Masa e tatimit të huaj të pagueshëm duhet të vërtetohet me dokument autentik.
Reduktimi i tatimit mbi të ardhurat personale nuk duhet të kalojë tatimin e pagueshëm mbi të ardhurat nga burimi i huaj, në rast se këto të ardhura realizohen në Republikën e Shqipërisë.
Reduktimi i tatimit, llogaritet në mënyrë të veçantë, lidhur me çdo vend të huaj, nga i cili janë përfituar të ardhurat.
Individët jorezidentë i nënshtrohen detyrimit për tatimin mbi të ardhurat personale gjatë periudhës tatimore, për burimet e të ardhurave, të realizuara në territorin e Republikës së Shqipërisë, (parimi i burimit).
Postimi ” Së shpejti dokumentet për taksimin e dyfishtë do të dorëzohen elektronikisht ” eshte marre nga Revista Monitor.
