Flet Ministrja e Bujqësisë dhe Zhvillimit Rural, Anila Denaj
Programi i financimit me kredi për biznesin e vogël dhe të mesëm me vlerë 250 milionë euro, i miratuar nga Banka e Shqipërisë, nga korriku 2025 do të ndërthuret edhe me Garancinë Sovrane.
Ministrja e Bujqësisë dhe Zhvillimit Rural, Anila Denaj, tha se nga muaji korrik 2025 do të hapen aplikimet për kredi të buta me interes 2% nëpërmjet Garancisë Sovrane, pas miratimit në muajin qershor të Aktit Normativ nga qeveria.
Ulja e normës së interesit në 2% vetëm në mbështetje të bizneseve për sektorët e bujqësisë, sipas znj. Denaj, mundësohet nga shteti që do të mbulojë 70% të rrezikut të kolateralit për kredinë.
Garancia Sovrane për financim kredie me 2% interes do të mbështesë aplikues të 5 sektorëve në bujqësisë, si: serrat; agropërpunimin; peshkimin; akuakulturën; agroturizmin dhe inovacionin teknologjik.
Fondi prej 250 milionë eurosh i programit të financimit për Ndërmarrjet e Vogla dhe të Mesme tashmë është shpërndarë te bankat e nivelit të dytë dhe mbështet financimin e SME-ve përfshirë edhe ato bujqësore, nëpërmjet kredive me interes 3,5%.
Si do të funksionojë Programi i Financimit për Ndërmarrjet e Vogla dhe të Mesme, me përparësi bizneset e bujqësisë me vlerë 25 miliardë lekë?
Programi i financimit për Ndërmarrjet e Vogla dhe të Mesme është një nismë e Bankës së Shqipërisë dhe Qeverisë, një instrument i politikës monetare, për të nxitur kreditimin në këtë sektor të ekonomisë.
Sektori i bujqësisë është shumë pak i kredituar, edhe pse kontribuon ndjeshëm në ekonominë shqiptare. Kjo është deri diku e kuptueshme, duke marrë parasysh se sektori ka përfaqësuar një rrezik të lartë për kreditim.
Megjithatë, prej më shumë se pesë vitesh, bizneset në sektorin e bujqësisë kanë ndryshuar rrënjësisht mënyrën e të bërit biznes, falë investimeve të shumta me grante dhe kredi të buta dhe politikave mbështetëse e lehtësuese.
Janë mbi 1,000 investime dhe rreth 125 milionë euro ndihmë e drejtpërdrejtë në 10 vitet e fundit në mbështetje të ndërtimit të afro 400 pikave të përpunimit dhe grumbullimit, 122 agroturizme, si dhe një rritje të konsiderueshme të stabilimenteve të kafshëve me mbi 50 mijë gjedhe. Në fund të vitit 2024 rezultoi një dyfishim i sipërfaqeve të serrave duke arritur në 2,200 hektarë.
Përtej mbështetjes me grante, ku 50% financohet nga Agjencia për Zhvillimin Bujqësor dhe Rural (AZHBR), sfidë mbetet sigurimi i shumës së mbetur për investime në ndërtimin e serrave, stallave, agropërpunimit dhe agroturizmit. Problem mbetet gjithashtu rreziku i mbulimit me kolateral.
Prandaj, Qeveria ka menduar të ndërthurë instrumentin e Bankës së Shqipërisë me instrumentin e garancisë sovrane, duke mbuluar 70% të rrezikut të kolateralit dhe duke ulur normën e interesit të kredisë në 2%.
Vlera totale e programit, prej 25 miliardë lekësh, është tashmë e shpërndarë te bankat e nivelit të dytë për mbështetje financiare të bizneseve të vogla, përfshirë ato bujqësore.
Çdo biznes i vogël ose i mesëm, përfshirë ata bujqësorë, mund të paraqitet në një bankë të nivelit të dytë dhe të shfaqë interes për mbështetje financiare. Bankat bëjnë përzgjedhjen e kredimarrësve bazuar në aplikimet e tyre.
Roli i AZHBR-së është i rëndësishëm, pasi ndjek zhvillimin e sektorit, duke nxitur jo vetëm bizneset në sektorët prioritarë, por edhe duke bashkëpunuar me bankat për aspektet teknike dhe për të përshpejtuar procesin e përgjigjeve dhe shqyrtimin e aplikimeve.
Sektorët
Garancia Sovrane për financim kredie me 2% interes do të mbështesë aplikues të 5 sektorëve në bujqësisë, si: serrat; agropërpunimin; peshkimin; akuakulturën; agroturizmin dhe inovacionin teknologjik.
Pse e keni kufizuar programin vetëm në pesë sektorë të bujqësisë?
Ky program mbështet investime në bujqësi dhe zhvillim rural, përfshirë:
– Serrat
– Agropërpunimin
– Peshkimin
– Akuakulturën
– Agroturizmin dhe inovacionin teknologjik
Këta janë sektorët që nxisin zhvillimin dhe rrisin vlerën ekonomike. Ka ardhur koha të kalojmë nga struktura të vogla dhe jo të mekanizuara në një bujqësi moderne, ku teknologjia dhe rendimenti rrisin konkurrueshmërinë dhe ulin kostot.
Investimet e 10 viteve të fundit kanë dhënë rezultate të prekshme. Eksportet shqiptare janë një tregues i qartë i zhvillimit. Mbi 530 milionë euro eksporte në fund të 2024-s, gati 4 herë më shumë në sasi se në 2013.
Këto shifra nuk do të ishin arritur pa ngritjen e pikave të përpunimit dhe grumbullimit, si dhe pa mbështetjen me grante për serra dhe agropërpunim. Objektivi ynë është të arrijmë 1 miliard euro eksporte deri në 2030.
Një tjetër sfidë është përafrimi me ligjet e BE-së në kuadër të kapitullit për sigurinë ushqimore. Bizneset duhet të investojnë për të përmbushur standardet e BE-së dhe për të nxitur bujqësinë organike.
Paketa e Maleve është një nismë e rëndësishme që synon zhvillimin e agroturizmit dhe rivitalizimin e zonave rurale malore. Nëpërmjet saj, synojmë të mbështesim jo vetëm bujtinat dhe strukturat akomoduese, por edhe bujqësinë organike dhe prodhimet autoktone si Bimët Aromatike dhe Mjekësore, vreshtarinë dhe pemëtarinë.
Agropërpunimi mbetet ende një sektor i nënvlerësuar. Shqipëria eksporton ende produkte si lëndë të parë, ndërkohë që nxitja e industrisë agroushqimore do të rrisë vlerën e shtuar dhe do të zgjerojë tregun e brendshëm.
Raporti import-eksport ka pësuar përmirësim të ndjeshëm: Nga 1 me 6 në 2013, në 1 me 2,9 në 2024. Synimi ynë është ta ulim këtë raport në 1 me 2 brenda 4 viteve të ardhshme.
Bizneset
Bizneset që kanë nevojë për kredi mund të aplikojnë direkt në bankat e tyre për produktin e kredisë së butë nga instrumenti i Bankës së Shqipërisë. Aktualisht, bankat janë duke përfshirë këtë produkt në ofertat e tyre për bizneset SME. Kredia ka një normë interesi deri në 3.5%.
Si do të funksionojnë skemat e financimit? Cila është procedura që do të ndiqet për bizneset në bujqësisë?
Bizneset që kanë nevojë për kredi mund të aplikojnë direkt në bankat e tyre për produktin e kredisë së butë nga instrumenti i Bankës së Shqipërisë.
Aktualisht, bankat janë duke përfshirë këtë produkt në ofertat e tyre për bizneset SME. Kredia ka një normë interesi deri në 3.5%.
Për bizneset në bujqësi, garancia sovrane do të finalizohet në qershor 2025. Kontratat e lidhura nga MBZHR me bankat e nivelit të dytë do të mundësojnë ulje të interesit dhe mbulim të kolateralit kur ai nuk është i plotë.
AZHBR vijon thirrjet vjetore për skema investimi me mbështetje grantesh.
Aplikimi për kredi të buta të mbështetura me garancinë sovrane do të jetë i hapur gjatë gjithë kohës nga korriku 2025.
Bizneset që aplikojnë për kredi në këtë periudhë mund të përfitojnë mbulim kolaterali deri në 75% të vlerës së kërkuar.
Skema e garancisë sovrane ndihmon në sigurimin e financimeve për bizneset, duke ulur barrierat financiare dhe duke mundësuar qasje më të lehtë në kredi me kushte të favorshme.
Ajo mbështet zhvillimin e qëndrueshëm të bujqësisë, përpunimit, turizmit dhe akuakulturës, duke kontribuar në rritjen e prodhimit dhe përmirësimin e infrastrukturës.
Bizneset në bujqësi
Për bizneset në bujqësi, garancia sovrane do të finalizohet në qershor 2025. Kontratat e lidhura nga MBZHR me bankat e nivelit të dytë do të mundësojnë ulje të interesit dhe mbulim të kolateralit kur ai nuk është i plotë. AZHBR vijon thirrjet vjetore për skema investimi me mbështetje grantesh.
Postimi ” Shansi i bujqësisë me garancinë sovrane, kredi me 2% interes nga korriku ” eshte marre nga Revista Monitor.
