Siguria e produkteve që konsumojmë është një ndër shqetësimet kryesore të qytetarëve shqiptarë, duke qenë se ndikon drejtpërsëdrejti në shëndet dhe cilësinë e jetesës. Por sa të sigurta janë ushqimet që tregtohen në vend dhe sa i respektojë rregullat bizneset? Gjatë këtij sezoni veror, kur dhe abuzimet ndjeshëm janë më të larta për shkak të fluksit të turistëve dhe shtimit të konsumit, inspektorët e Autoritetit Kombëtar i Ushqimit ka qenë në terren për të filtruar produktet e pa sigurta dhe për të ndërhyrë tek subjektet në rast shkeljesh.
Kështu, sipas të dhënave zyrtare përgjatë kulmit të sezonit, në periudhën dy mujore 3 korrik-3 shtator 2023, janë kryer në total 18.636 inspektime në 12 qarqet e vendit në mbikëqyrje të operatorëve të biznesit ushqimor të prodhimit, përpunimit, magazinimit dhe tregtimit. Gjatë kontrolleve të ushtruara në bizneset ushqimore, janë konstatuar shkelje të kërkesave ligjore, si tregtim të ushqimit të pasigurt, mungesë të kushteve higjieno-sanitare mungesë të përditësimit të sistemit të vetëkontrollit HAÇP etj.
Për këtë arsye, në dy muaj janë vendosur 139 masa administrative me gjobë, me vlerë 33.6 milionë lekë dhe janë paralajmëruar 1113 subjekte. Po ashtu, kur janë konstatuar problematika me produktet e tregtuara, janë marrë masa për bllokimin e tyre, shifër e cila arrin në 17.6 ton si dhe në raste të veçanta janë bërë dhe asgjësimet përkatëse. Nga ana tjetër, është ndërprerë aktiviteti për 10 subjekte për tregtim ushqimi të pasigurtë për konsum dhe kushte të papërshtatshme higjeno-sanitare.
Siguria ushqimore 3 Korrik-3 shtator 2023
Inspektime 18.636
Gjoba në nr 139
Gjoba në vlerë 33.6 mln lekë
Paralajmërime 1113
Bllokime të produkteve 17.6 ton
Ndërprerje aktiviteti 10
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
