Kristi Ceta/
Sony ka prezantuar zyrtarisht PlayStation 5 Pro, që ishte i shumëpritur nga adhuruesit e videolojërave. Konsola e re u prezantua me një çmim me pakicë prej 700 dollarësh dhe ofron përmirësime të konsiderueshme në krahasim me PS5 që doli në 2020.
Synimi është të ofrojë performancë më të mirë grafike, dhe për këtë janë bërë tre përmirësime kryesore: një kartë grafike më e madhe, gjurmim i avancuar i rrezeve dhe aplikimi i inteligjencës artificiale, për të dhënë imazhe sa më të qarta e të detajuara.
Sony thekson se karta e re grafike ka, ndër të tjera, RAM 28% më të shpejtë se PS5 standard, që do të thotë se konsola do të ofrojë deri në 45% renderizim më të shpejtë.
Për më tepër, gjurmimi i rrezeve do të jetë deri në tre herë më i shpejtë se sa mund të ofrojë versioni i parë i PS5, dhe teknologjia e përmirësimit që ata aplikuan me ndihmën e IA quhet “PlayStation Spectral Super Resolution”.
Kompania shton se më shumë se 8,500 lojëra PS4 do të përditësohen për të funksionuar në versionin e ri, dhe do të jetë e mundur të përmirësohet përvoja e lojërave të PS5.
PS5 Pro ka të njëjtën lartësi si PS5 origjinale dhe të njëjtën gjerësi si modeli që vjen pa portën e diskut. Vjen me 2 TB memorie të integruar, një përmirësim në krahasim me modelet e mëparshme 1TB. PS5 Pro do të lançohet më 7 nëntor 2024 dhe do të jetë i disponueshëm në dyqanet zyrtare si dhe online. Paraporositë do të fillojnë më 26 shtator 2024.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
