Findaway është një shpërndarës për shumë shërbime të librave audio, për shumë botues dhe autorë dhe do të vazhdojë t’u shërbejë klientëve të tij të vjetër edhe pas përfundimit të transaksionit të shitjes tek Spotify. Kushtet financiare nuk janë bërë të ditura nga asnjëra prej palëve të përfshira. Blerja shënon investimin më të madh të Spotify në libra audio dhe është shenja më e fundit e ambicies së kompanisë për t’u rritur përtej një aplikacioni muzikor.
“Qëllimi është që dëgjuesit e Spotify të mund të blejnë çdo libër audio në botë”, tha Gustav Soderstrom, drejtor i kërkimit dhe zhvillimit të kompanisë. “Nëse jeni një konsumator i vërtetë i podkasteve me temë policie, do të blini libra audio të të njëjtit lloj.” – shtoi ai.
Spotify ka disa vite që teston fushën e librave audio, duke ofruar disa tituj klasikë falas, si “Jane Eyre”. Kompania ka shitur gjithashtu edhe një libër audio të shkruar nga gazetari Malcolm Gladwell.
Kompania pret që proçedurat e blerjes të përfundojnë këtë vit, moment nga i cili Spotify do të fillojë të shtojë më shumë libra audio në shërbimin e saj. Botuesit dhe autorët që punojnë me Findaway duhet të janpin dakordësinë e tyre pas shitjes se Findaway. që të të vazhdojnë bashkëpunimin e tyre me Spotify dhe të mund të vazhdojnë shitjen dhe shpërndarjen e produkteve të tyre dixhitale në të.
Spotify do të shesë edhe libra individualë audio për të gjithë përdoruesit e saj. Autorët dhe botuesit që përdorin teknologjinë e tyre të përpunimit të pagesave do të jenë në gjendje të mbajnë të gjitha të ardhurat ndërsa të tjerët që përdorin teknologjinë Spotify do të ndajnë të ardhurat me kompaninë. Autorët e pavarur do të mund të shpërndajnë librat e tyre në platformën e bashkuar në Spotify nëse dëshirojnë.
Findaway do të vazhdojë të mbajë selinë e saj në në Ohio, SHBA dhe do të vazhdojë të drejtohet nga themeluesi dhe CEO Mitch Kroll.
Audible nga Amazon.com Inc. është aktori dominues në tregun e librave audio. Spotify shpreson të hyjë fuqishëm në garë, duke vënë një bibliotekë dixhitale të tërë të librave audio përpar mbi 400 milionë përdoruesve të saj ekzistentë.
