Sipas të dhënave më të fundit të “Institutit të Statistikave”, numri i fluturimeve në vendin tonë për vitin 2023 është regjistruar në 51 mijë, duke shënuar një rritje me 31%, krahasuar me një vit më parë.
Sipas të dhënave më të fundit të “Institutit të Statistikave”, në vitin që lamë pas, në hapësirën ajrore shqiptare kanë fluturuar gjithsej rreth 305 mijë avionë, nga të cilët 83% të tyre e zë numri i mbikalimeve. Numri i fluturimeve në vendin tonë për vitin 2023 është regjistruar në 51 mijë, duke shënuar një rritje me 31%, krahasuar me një vit më parë.
Vetëm gjatë tremujorit të katërt të vitit 2023 numri i fluturimeve u regjistrua në 13.8 mijë, ndërkohë që numri i pasagjerëve nëpërmjet rrugëve ajrore llogaritet në 1.8 milionë. Krahasuar më të njetin tremujor të vitit të kaluar, numri i pasagjerëve u rrit me 48.3%.
Sipas të dhënave zyrtare nga “Aeroporti Ndërkombëtar i Tiranës” ka patur rritje domethënëse në numrin e pasagjerëve, në kapacitetin e vendeve dhe në faktorët e ngarkesës, duke treguar një angazhim serioz për pasagjerët. Referuar shifrave, në vitin 2023, Aeroporti Ndërkombëtar i Tiranës ka mirëpritur 40% më shumë pasagjerë, duke arritur një shifër prej 7,3 milionë pasagjerësh. Kjo rritje e jashtëzakonshme nënvizon rolin thelbësor që ka aeroporti në lehtësinë e udhëtimit dhe ofrimit të lidhjeve mes destinacioneve.
Sa i përket vendeve, të dhënat tregojnë se Aeroporti Ndërkombëtar i Tiranës u rrit me 37% në terma të kapacitetit, duke çuar në një numër total prej 4,2 milionë vendesh nga rreth 3,1 milionë që ishte në vitin 2022.
Nëse do të flisnim për volumin e mallrave, rezulton se përgjatë tremujorit të katërt të vitit 2023 volumi i mallrave (duke përfshirë postën) të hyrë dhe të dalë nëpërmjet transportit ajror rezultoi 515,4 ton.
Xhorxhina Deda /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
