- Transfëgërëshan (Transfăgărășan)
Transfăgărășan është një rrugë nëpër male e ndërtuar duke kombinuar burimet natyrore me forcën dhe aftësinë njerëzore. E konsideruar si një nga rrugët më mbresëlënëse në Europë, ajo përshkon njësinë më të lartë alpine në Rumani, malet Fagaras dhe lidh zonat historike të Muntenias dhe Tranailvanisë. Kalimi në të është një sfidë e vërtetë për shoferët, duke ndërthurur adrenalinën e provokuar nga rruga gjarpërore me pamjet magjepsëse që të largojnë nga realiteti.
Peizazhet e maleve Făgărăș janë mahnitëse dhe ofrojnë një pamje spektakolare në ditët me qiell të kthjellët. Në një udhëtim me makinë që mund të bëni brenda një dite do te shihni dhe përshkruani disa pika tërheqëse. Para se te merrni këtë rrugë, duhet të dini se hyrja në Transfagarasan varet shumë nga kushtet e motit. Për shkak të borës, rruga është plotësisht e hapur vetëm disa muaj në vit – nga Korriku deri në Tetor. Në dimër, vetëm një pjesë e vogël e rrugës mund të përshkruhet.
Rruga për ne liqenin Balea është spektakolare dhe marramendëse. Liqeni i akullnajave Balea është shpallur si Rezervë Shkencore për shkak të specieve të rralla të bimëve dhe kafshëve, duke përfshirë lule misri, shqiponjën e malit dhe dhinë e zezë. Në stinën e dimrit liqeni është i mbuluar me akull dhe përreth ka pista natyrale patinazhi.
Për shkak se akulli është i bollshëm ne Balea, është ndërtuar hoteli i akullit, i dyti ne Europë dhe i pari ne juglindjen e kontinentit.
Disa pika turistike që mund të vizitoni gjatë kësaj rruge:
- Manastiri Argeș
- Kalaja Poenari
- Lugina e Stanit
- Diga Vidraru
- Ujvara Kapra
- Liqeni Balea
- Ujvara Balea
- Muzeu etnografik Badea Cartan etj.
