Viti që po lëmë pas ishte një vit i suksesshëm për mikrofinancat dhe kryesisht për kompaninë udhëheqëse të këtij tregu, IuteCredit Albania. Shqiptarët duken se janë gjithnjë e më të prirur të zgjedhin të marrin kredi nga kompanitë e mikrofinancave sesa nga bankat, dhe mes tyre IuteCredit është zgjedhja e parë. Çfarë qëndron në thelb të këtij suksesi?
Këtë pyetje shtjelloi edhe gazetari Lorenc Rabeta në emisionin e tij “Vetting”, ku e ftuar ishte Drejtoresha e Përvojës së Klientit të Grupit, Znj. Goksu Tugay. Ndër shumë tema që lidhen me tregun e mikrofinancave, Rabeta synoi temat e digjitalizimit dhe zgjerimit të portofolit të produkteve nga IuteCredit.
E pyetur sesi u arrit që IuteCredit të dominonte tregun e mikrokredive, Znj. Tugay tha se që prej nisjes së punës në tregjet tona, IuteCredit është fokusuar në dy drejtime të mëdha: kujdesi më i mirë dhe më efikas dhe përdorimi sa më miqësor dhe efektiv i digjitalizimit, duke zhvilluar shumë procese në një klikim pa harxhuar kohën e klientëve dhe pa i detyruar ata të paraqiten fizikisht në zyrat e IuteCredit.
Ajo gjithashtu diskutoi disa nga risitë teknologjike që IuteCredit ka ofruar duke përmendur edukimin e vazhdueshëm në qendër të këtij revolucioni.
“Kur filluam të japim kredi dhe shërbime të tjera digjitalisht, si mundësimi i kredive nëpërmjet identifikimit digjital, na u desh një edukim i vazhdueshëm i klientit që ende vazhdon. Këshilluesit tanë nuk i asistojnë klientët vetëm për shitjen e produktit apo dhënies së shërbimit, por ata ulen dhe e përshkojnë të gjithë rrugën e aplikimit bashkë me ta. Pra, praktikisht, edukimi vjen fillimisht nga këshilluesit tanë të klientëve.”– shprehet Znj. Tugay
Në mbyllje të intervistës Znj. Tugay nënvizoi rolin qendror të kujdesit ndaj klientit si mbështetja më e mirë që mund të kenë digjitalizimi i mëtejshëm dhe zgjerimi i portofolit të produkteve dhe shërbimeve të IuteCredit Albania në të ardhmen.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
