Në një intervistë eksluzive për Scan Televizionin, Sekretari i Përgjithshëm i Shoqatës Shqiptare të Bankave Spiro Brumbulli ka analizuar treguesit e vitit që sapo lamë pas. Ecuri pozitive sipas tij kanë shënuar depozitat në sistem, ashtu si dhe kreditimi.
Ajo që duhet parë me shumë vemendje, sipas Shoqatës Shqiptare të Bankave, është reflektimi i normës bazë të interesit nga Banka e Shqipërisë te këstet e qytetarëve e bizneseve. Rritja e mëtejshme e normës bazë do detyronte bankat të rrisnin interesat e kredive për qytetarët e bizneset.
Brumbulli ka shpjeguar gjatë intervistës edhe mënyrën si do funksionojë sistemi i pagesave bankare në E-albania, duke sqaruar se në këtë shërbim nuk do hidhet asnjë e dhënë bankare, por vetëm do gjenerohet një kod nga institucioni publik që do kryejë pagesën.
Lorenc Rabeta/ Scan
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
