Tregtimi i biokarburanteve do të përjashtohet nga regjimi fiskal për një periudhë 10-vjeçare”. Gjithçka përcaktohet në projektligjin “Për prodhimin, transportimin dhe tregtimin e biokarburanteve dhe të lëndëve të tjera djegëse, të rinovueshme, për transport”, të nxjerrë për konsultim publik, që duket se ka reflektuar kërkesat e grupeve të interesit, gjatë diskutimeve të mëparashme, që gjithsesi nuk u finalizuan me miratimin e ligjit.
Ndërkaq, sipas draftit të ri, përjashtimi nga taksat parashikohet vetëm për sasinë e biokarburanteve të pastra, dhe jo për pjesën e nënprodukteve respektive të prodhuar nga përpunimi i naftës bruto. Sasia që përjashtohet nga taksa duhet të përmbushë kriteret e qëndrueshmërisë, që gjithashtu janë risi në draftin e prezantuar e që ndër të tjera parashikon reduktimin e emetimeve të gazeve serrë, nëpërmjet përdorimit të biokarburanteve dhe biolëngjeve, me të paktën 35%.
Drafti parashikon që sasia minimale vjetore në treg e biokarburanteve dhe e lëndëve të tjera djegëse, të rinovueshme, për transport, duhet të jetë jo më pak se 5 për qind e sasisë të konsumuar në sektorin e transportit në vitin 2024. Nga viti 2025 e në vazhdim, kjo sasi do të jetë jo më pak se 10%.
Përpjekjet për të miratuar një ligj të ri, që rregullon prodhimin, transportimin dhe tregtimin e biokarburanteve kanë nisur që në vitin 2019, por asnjëherë nuk janë finalizuar me sukses, ndonëse draftet janë diskutuar në komisione parlamentare dhe kanë qenë gati për t’u dërguar në seancë plenare për miratim.
Ola Mitre /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
