Ndërsa individët kanë tkurrur ritmin e shtimit të depozitave në sistemin bankat shqiptar përgjatë vitit që sapo lamë pas, krejt e kundërta ka ndodhur me bizneset. Ato kanë kompensuar rënien e shkaktuar nga segmenti i individëve, duke bërë që sistemi financiar edhe gjatë vitit të shkuar të shënojë një rritje të kënaqshme të depozitave në bankat e nizveli të dytë.
Sipas të dhënave më të fundit të Bankës së Shqipërisë, vihet re se depozitat e individëve janë rritur me 7.9% vit mbi vit në tremujorin e fundit, duke u ngadalësuar me 1 pikë përqindje krahasuar me tremujorin e tretë.
Qëndrueshmëria e normës së rritjes të depozitave në total prej 9.4% është siguruar nga depozitat e bizneseve, rritja vjetore e të cilave shënoi 16% (nga 13.5% në T3), duke reflektuar kryesisht likuiditetet më të larta në monedhë të huaj të këtij grupi. Ndërkohë, kompozimi i depozitave sipas monedhës tregon për ngadalësim të rritjes të depozitave në lekë, si pasojë e kursit konsolidues të politikës fiskale dhe e rritjes së interesit për investime në letra me vlerë të qeverisë gjatë tremujorit të fundit. Nga ana tjetër, depozitat në valutë kanë shfaqur përmirësim të normave të rritjes në 17.3%, duke ju rikthyer normave të larta të rritjes së tyre në muajt e verës.
Ndërkaq, rritja e normave bazë nga ana e Bankës së Shqipërisë, ka vijuar të të nxisë zhvendosjen e depozitave drejt depozitave me afat, veçanërisht në ato me maturitet mbi dy vjet.
Kështu, ngadalësimi i normave të rritjes vjetore të depozitave pa afat në 11.6% (22% në fillim të vitit), është kompensuar nga forcimi i ritmeve të rritjes së depozitave me afat në 6.6% (2.7% në fillim të vitit).
Lorenc Rabeta /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
