Banka e Shqipërrise në Bashkëpunim me Bankën Botërore po organizojnë një workshop me fokus modernizimin e sistemeve të pagesave. Zëvendës guvernatorja e BSH theksoi se Banka e Shqipërisë ka dy projekte madhore si anëtarësimi në SEPA dhe implementimi I pagesave të shpejta.
Një workshop dy ditor më 8-9 shkurt po zhvillohet në ambientet e Bankës së Shqipërisë me temë “Modernizimi i Sistemeve të pagesave në Shqipëri”.
Në bashkëpunim dhe me Bankën Botërore si dhe mbështetjen e Bashkimit Europian, në kuadër të projektit rajonal të Bankës Botërore “Modernizimi i sistemit të pagesave në Ballkanin Perëndimor”, pjesëmarrës në të janë aktorët kryesorë të sistemit të pagesave dhe infrastrukturës së tregjeve financiare në vend dhe ekspertë të huaj të fushës së sistemeve e shërbimeve të pagesave.
Ndërkaq, zëvendësguvernatorja e Parë e Bankës së Shqipërisë, Luljeta Minxhozi, theksoi rëndësinë e bashkëpunimit në fushën e sistemit të pagesave me Bankën Botërore dhe institucionet e tjera ndërkombëtare. Ndërsa theksoi se Banka e Shqipërisë ka intensifikuar përpjekjet së bashku me Bankën Botërore, BE-në dhe Këshillin e Bashkëpunimit Rajonal, në drejtim të tre prioriteteve kryesore të punës tonë në fushën e sistemeve të pagesave, të tilla si: implementimi i ligjit “Për shërbimet e pagesave” pjesëmarrja në Tregun Unik të Pagesave në Euro (SEPA) dhe ndërtimi i Instant Payment.
Sipas zëvendësguvernatores tashmë është finalizuar miratimi i kuadrit rregullator që bën të mundur zbatimin e plotë të ligjit “Për shërbimet e pagesave”. Zbatimi i tij, nga njëra anë e hap tregun edhe për palë të treta ofruese të shërbimeve të pagesave, dhe nga ana tjetër, rrit kërkesat për përforcimin e standardeve të sigurisë në kryerjen e pagesave. Në këtë kontekst, sfidë aktuale mbetet zbatimi në praktikë i konceptit të “bankingut të hapur”, i cili ofron mundësi për zgjerimin e shërbimeve të pagesave dhe rritjen e konkurrencës.
Gjatë këtij takimi, zëvendësguvernatorja prezantoi dy projekte madhore të Bankës së Shqipërisë, aplikimin për pjesëmarrjen e Shqipërisë për anëtarësimin e Shqipërisë në Tregun Unik të Pagesave ose I njohur ndryshe SEPA, si dhe implementimin e pagesave të shpejta.
Diamila Leka/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
