Pavarësisht tendencës ulëse të inflacionit në 4 muajt e fundit dhe kthesës rritëse në shtator, qytetarët vijojnë të përballen me çmime të larta të ushqimeve. Por çfarë produktesh po produkte blejmë më shtrenjtë)?
“Të gjitha janë të shtrenjta dhe nuk janë ulur ndonjëherë.Djathë, mishi, perimet e nuk presim të ulen”, tregojnë disa qytetare.
Instituti i statistikave bën të ditur se në shtator qytetarët blenë 24.1% më shtrenjtë perimet. Më pas vjen “mishi” me 9,4 %. Ndërsa qumështi, djathi dhe vezët u blenë me 8,3 % më shtrenjtë. Pas tyre vijnë frutat dhe buka. Përballjen më të madhe me tregun e kanë të moshuarit apo kryefamiljarët. Por si janë këto çmime për studentët?
“As 10 mijë lekë s’mjafton të përballojmë ditën me të 3 vaktet”, shprehet një qytetar.
Çmimet e larta në tregje, sipas ekspertes së ekonomisë, Suzana Guxholli vijojnë për shkak të mosreflektimit të vlerës reale të produkteve të importuara.
“Ti pret që importet më të ulëta të sjellin ulin çmimet e mallrave dhe njëkohësisht të kostos së prodhimit të bizneseve që kanë si lëndë të parë këto importe. Kjo nuk ndodh për shkak të konkurrencës jo të pastër”, tha Suzana Guxholli, eksperte ekonomie.
Por a ka shteti një rol për të luajtur në situata të tilla ku ekonomia e tregut nuk është dhe aq i lirë?
“Megjithëse rrogat dhe pensionet patën një kthesë, përsëri familjet janë në limitin e varfërisë. Të veprohet SI në vendet e tjera. Qeveritë në vendet e zhvilluara si në Amerikë, ajo u dha para në llogaritë e tyre për të patur të njëjtat të mira material si më parë. Ose siç është energjia apo produktet e shportës bazë të vihet kontroll”, shton ajo.
Sipas Guxhollit, për aq kohë sa Shqipëria varet në mënyrë direkte nga importet dhe vlera e eksporteve ende është e vogël, njerëzit do vijojnë të përballen edhe me çmime më të larta të ushqimeve.
Burimi: A2 CNN
