Të vendoset barazi dhe drejtësi fiskale, duke taksuar më shumë fitimet e pamerituara në kurriz të shqiptarëve. Këtë kërkuan deputetët socialistë e demokratë në Komisionin e Ekonomisë, gjatë diskutimeve të buxhetit, duke nisur nga heqja e përjashtimeve fiskale, që edhe këtë vit do të qëndrojnë në fuqi.
Më shumë barazi kërkoi dhe socialiste Braçe, që propozon një skemë progresive për dividentin nga fitimet e kompanive.
E pyetur për fitimet e pataksuara të industrisë së hidrokarbureve, ministrja e Financave, deklaroi se mund të konsiderohet një taksë e veçantë, si ajo e energjisë që është ende në fazë konsultimi.
Braçe i bëri kërkesë ministres të zbatojë fiskalizimin edhe në bujqësi, pasi ky sektor ka një shkallë marramendëse evazioni.
Debatet u ndalën edhe tek ligji për rikthimin e basteve online dhe amnistia fiskale. Ndërsa deputetët shprehën skepticizmin për efektin e fiskalizimin në formalizimin e ekonomisë.
Burimi: A2 CNN
