Sam Bankman Fried, themeluesi i kriptomonedhës FTX, ka mashtruar rreth 1 milion persona duke ‘djegur’ miliarda dollarë në investime të dështuara. Ai angazhoi si ambasadorë të FTX emra si Tom Brady, Naomi Osaka, Shaquille O’Neall e Stephen Curry. Platforma e tij është e treta në botë e shkëmbimeve të kriptomonedhave që ka falimentuar. Aktualisht ai duhet t’i paguajë 11 miliard dollarë personave që i ka marrë paratë nëpërmjet mashtrimit, si dhe atyre që i ka dëmtuar imazhin. Por vetë këta të fundit, emra të njohur të sportit, akuzohen se kanë përdorur famën e tyre për të bindur amerikanët që të investojnë para në kriptomonedhën FTX, të njohur si FTT, që ka humbur 80% të vlerës.
Ky falimentim ka shkaktuar një efekt domino në sektor duke krijuar kaos në kuotimet e monedhave kryesore virtuale, si dhe një garë të mirëfilltë të njerëzve në sportelet e platformave të tjera.
Pra kjo situatë dhe arratisja në Bahamas e themeluesit të FTX Sam Bankman Fried po shkaktojnë një sërë problemesh në botën e financave. Si dhe ka krijuar panik në sektor duke lëkundur dhe kuotimet e valutave dixhitale më të forta si Bitcoin dhe Ethereum.
Për administratorin e ri të përgjithshëm të FTX, John Ray, bilancet e grupit nuk janë të besueshme. Ai vlerëson aktualisht se janë kryer transferime të pautorizuara për të paktën 372 milion dollarë. Ai theksoi se në 40 vjet karrierë nuk kishte parë asnjëherë një situatë më të keqe financiare se kjo.
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
