Të 38-tët me një përmirësim nga vitet më parë, por çalojmë tek prindërimi dhe pensionet. Ky është konstatimi i raportit të Bankës Botërore për Gratë, Biznesin dhe Ligjin 2023. Nga 190 vende të mara në studim ky raport e rendit Shqipërinë në vendin e 38-të.
Raporti vlerëson ligjet dhe rregulloret e shteteve në tetë fusha që ndikojnë të lidhura me pjesëmarrjen ekonomike të grave, lëvizshmëria, vendi i punës, paga, martesa, prindërimi, ndërmarrësia, asetet dhe pensionet.
Problematikat e renditura në raport përfshijnë skemat e pensionit por dhe ndërprerjen e karrierës. Më konkretisht kërkohet që ekonomitë të zbatojnë nië skemë të detyrueshme pensioni për të punësuarit në sektorin privat.
Në këtë indeks rezultati mesatar u rrit për vetëm gjysmë pike duke arritur në 77.1 — çka tregon se gratë, mesatarisht, gëzojnë vetëm 77 për qind të të drejtave që i shijojnë burrat. Me ritmin aktual të reformave, në shumë vende, një grua që hyn sot në fuqinë punëtore do të dalë në pension përpara se të jetë në gjendje të fitojë të njëjtat të drejta si burrat, thekson raporti.
Ndërsa përsa I përket karrierës raporti nënvizon se ndryshimet në jetën e punës së burrave dhe grave që rrjedhin nga ndërprerjet e karrierës për përgjegjësitë e kujdesit ose të familjes ndikojnë ndjeshëm në masën e pensioneve të tyre të pleqërisë.
Për shkak se gratë priren të jetojnë më gjatë se burrat dhe kanë jetë më të shkurtër pune për shkak të punës së kujdesit të papaguar, pensioni i parakohshëm mund të ketë efekte negative në sigurinë financiare të nië gruaje në pleqëri. Shumica e reformave për rritjen e nivelit të pensionit kërkojnë rritjen e leies së paguar për prinderit dhe baballarët, heqjen e kufizimeve në punën e grave dhe detyrimin e pagave të barabarta.
Në vitin 2022, vetëm 34 reforma ligjore në lidhje me gjininë u regjistruan në 18 shtete – numri më i ulët që nga viti 2001.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
