Inflacioni i vazhdueshëm në Kroaci po zbraz xhepat dhe kuletat e konsumatorëve.
Siç shkruan Poslovni Dnevnik, inflacioni në Kroaci ka hyrë në një spirale rritëse.
Në dhjetor, rritja mesatare më e lartë e çmimeve të konsumit është vënë re për grupet e mëposhtme: Restorante dhe hotele (10.1%), mallra dhe shërbime të ndryshme (6.7%), arsim (5.3%), shëndetësi (5.2%), dhe ushqime dhe pije joalkoolike (4,8%)”, thuhet në deklaratën e Zyrës Qendrore të Statistikave (CBS).
Sidoqoftë, ka pasur një rënie vjetore të çmimeve për tre grupe: Komunikim (6.4%), transport (0.5%) dhe veshje dhe këpucë (0.1%).
Në bazë mujore, janë shënuar rritje mesatare të çmimeve për grupet: Banesa, ujë, energji elektrike, gaz dhe lëndë djegëse të tjera (2.1%), veshje dhe këpucë (1.6 për qind).
Në Eurozonë, matur në bazë vjetore, vetëm Belgjika kishte një normë inflacioni më të lartë se Kroacia, me 5%.
Analisti ekonomik Petar Vušković, mendon se prapa këtij inflacioni të ashpër në Kroaci, fshihen elemente të rëndësishme psikologjike.
“Inflacioni është mallkimi i ekonomisë dhe konsumatorët janë të shqetësuar. Inflacioni nuk po ndodh vetëm për shkak të rritjes së çmimeve të energjisë dhe banesave, por kryesisht për shkak të psikologjisë.
Psikologjikisht, kroatët ende nuk janë shkëputur nga monedha e vjetër. Ne vështrojmë çmimet në rafte të paraqitura në Euro, dhe më pas i konvertojmë matematikisht eurot në kuna.
Sigurisht, jo të gjithë jemi matematikanë të mirë dhe ndonjëherë i bëjmë llogaritë gabim në kokën tonë. Tregtarët përdorin pikërisht këtë mirazh tregu. Krijojnë iluzionin sikur gjithçka është shtatë herë e gjysmë më lirë se më parë, por në të vërtetë nuk është”, tha Vušković për agjencinë N1.
Postimi ” Inflacioni në Kroaci po dëmton konsumatorët ” eshte marre nga Revista Monitor.
