Indeksi i Çmimeve të Prodhimit të produkteve për tregun vendas për tremujorin e dytë të vitit u rrit me 6.9%. Treguesi i cili mat ndryshimin e çmimeve të produkteve në pikën e parë të shitjes pas prodhimit, arriti në harkun kohor prill-qershor në 130,5 pikë.
Krahasuar me tremujorin e dytë 2022 rritja më e madhe e çmimeve vërehet në seksionin “Energjia elektrike, gaz, avull dhe me ajër të kondicionuar”, pasuar nga seksionet “Industri përpunuese” dhe “Industri nxjerrëse”.
“Tani jemi në kulmin që produktet e fushës janë në treg dhe ne vazhdojmë akoma që një Kg domate ta blejmë 150 lekë. Kjo tregon që nga një anë çmimet janë rritur sepse janë rritur kostot e inputeve që vazhdojnë të larta por dhe kostot e fuqisë punëtore e cila ka qenë një çështje e nxehtë në muajt e fundit”, shprehet Klodian Muço, ekspert ekonomie.
Për ekspertët e tregut rritja vjen si pasojë e rritjes së kostove të fuqisë punëtore të cilat u shtuan pas ndryshimti të pagës minimale. Sipas tyre ky tregues mund të ushtrojë t’i ushtroj presion normës së inflacionit në vend.
“Tani jemi në kulmin që produktet e fushës janë në treg dhe ne vazhdojmë akoma që një Kg domate ta blejmë 150 lekë. Kjo tregon që nga një anë çmimet janë rritur sepse janë rritur kostot e inputeve që vazhdojnë të larta por dhe kostot e fuqisë punëtore e cila ka qenë një çështje e nxehtë në muajt e fundit”, shprehet Klodian Muço, ekspert ekonomie.
“Pjesa e energjisë ka patur një stabilizim në bursë nëse e krahasojmë me vitin e kaluar kemi një stabilizim të çmimit të energjisë. Të gjitha nuk janë kthyer siç ishin para fillimit të luftës në Ukrainë. Kjo ka një barrë për qeverinë për financat publike por dhe për bizneset e mëdha.”
Nga ana tjetër indeksi i çmimeve për mallrat e importuara ra në tremujorin e dytë me 0.7%. I ndikuar nga zhvlerësimi i euros, kjo rënie sipas ekspertëve të tregut nuk është reflektuar siç duhet në produktin final.
“Duhet të kishim një reflektim në treg por duket që në pjesën dërrmuese ky përfitim më shumë kalon për tregtarët e shumicës dhe jo konsumatorët.”
“Pritshmëria është që në të ardhmen ne të mësohemi me kosto më të larta dhe të mësohemi me faktin që çmimet para luftës nuk do jenë më si atëherë.”
Luhatja më e madhe e çmimeve për produktet e importuara vërehet në seksionin “Furnizimi me ujë, aktivitete të trajtimit dhe menaxhimit të mbeturinave, mbetjeve” me rritje me 4,7 %, pasuar nga seksioni “Industri nxjerrëse” me 0,4 %.
Inflacioni i lartë në BE, lajm i keq për konsumatorët dhe kredimarrësit shqiptarë në euro
Burimi: A2 CNN
