Sinjale të paqarta po vijnë nga tregu përsa i përket investimeve private. Pasiguritë e shtuara në ekonomi, për shkak të krizës së çmimeve dhe ngadalësimit të aktivitetit në tërësi, duket se kanë stepur investitorët.
Depozitat në banka janë rritur në nivele rekord, ndërsa investimet më të shpeshta që shohim në përditshmëri janë ato tradicionale, që lidhen me hapjen e lokaleve, furrave të bukës apo edhe farmacive.
Biznese të tilla mbyllen çdo ditë e të ngjashme hapen gjithashtu. A mund të zhvillohet kështu ekonomia? Si mund të orientohet tregu përsa i përket modeleve të investimit? Si mund të reduktohen kostot dhe risqet për ata që duan të investojnë dhe të punësojnë të tjerë?
Për të folur për këto çështje ishte i ftuar sot në “A2 Business” me Aurora Sulçe, eksperti i ekonomisë, Kastriot Sulka.
Z. Sulka si shpjegohet kjo rritje e depozitave ndërkohë që një pjesë e biznesit ndodhet në krizë?
Në konceptim tim mund ti ballafaqojmë me dy grupe. Së pari kriza e Covid dhe ajo e luftës në Ukrainë dhe këtyre nuk kemi ç’i bëjmë. Më shumë vëmendje duhet të marrin ato që i kemi ne në dorë.
Së pari ne ndryshojmë shpesh strategjitë. Cili dhe sa janë ndryshimet përkatëse në legjislacion sidomos ato që kanë të bëjnë me taksat. Dhe kjo i frenon ato.
Por, frikësimi më i madh ka të bëjë me informalitetin. Pra, shumë shpesh e marrim në konsideratë pjesën e informalitetit dhe në këto kushte ne kemi një diferencë të madhe me vendet e tjera.
Edhe strategjitë janë shumë të rëndësishme. Pra, ndryshimi i strategjive i mban njerëzit të stepur.
Burimi: A2 CNN
