Lidhja e Bizneseve të Kosovës shpreh shqetësimin e thellë për situatën e krijuar pas zgjedhjeve nacionale të 9 shkurtit, ku mungesa e institucioneve funksionale dhe vendimmarrjes ka futur vendin në ngërç të plotë ekonomik.
Lidhja e Bizneseve të Kosovës nëpërmjet një reagimi të gjatë kanë shprehur ka shqetësimin për situatën e krijuar pas zgjedhjeve të 9 shkurtit, ku sipas tyre, mungesa e institucioneve funksionale dhe vendimmarrjes e ka futur vendin në ngërç të plotë ekonomik.
Sipas tyre për inate politike po dëmtohet ekonomia e vendit, investimet po bien ndërsa qytetarët dhe bizneset po e ndjejnë barrën e papërgjegjësisë politike çdo ditë.
“Për inate politike po dëmtohet ekonomia e vendit, ndërsa Kosova po përballet me rritje të importit dhe ulje të eksportit, gjë që thellon më tej bilancin negativ tregtar dhe dëmton konkurrueshmërinë e prodhimit vendor. Mungesa e reformave fiskale dhe pezullimi i politikave zhvillimore kanë krijuar një klimë pasigurie në sektorin privat. Shumë borde dhe agjenci shtetërore kanë mbetur me ushtrues detyre, pa legjitimitet për të marrë vendime strategjike, duke paralizuar proceset ekonomike”.
Lidhja e Bizneseve, mes tjerash, thotë se mbi 1 miliard euro kredi dhe grante kanë mbetur të bllokuara në Kuvend teksa nuk lanë pa përmendur edhe çmimet e larta të energjisë elektrike dhe rritjen e kostos së prodhimit.
“Mbi 1 miliard euro kredi dhe grante zhvillimore mbeten të bllokuara në Kuvend për shkak të mosfunksionimit institucional. Këto mjete, që do të mund të investoheshin në energji, infrastrukturë, arsim dhe prodhim, sot qëndrojnë të palëvizshme, ndërsa bizneset përballen me vështirësi të mëdha në terren”.
“Kosova po përballet njëkohësisht me çmime të larta të energjisë dhe kosto të shtuara të prodhimit; mungesë investimesh të huaja dhe rreziku për largim të kapitalit ekzistues; ngadalësim të rritjes ekonomike dhe humbje të vendeve të punës; pezullim të dialogut strategjik Kosovë–SHBA, që dëmton rëndë imazhin dhe besueshmërinë ndërkombëtare të vendit”.
Sipas tyre Kosova po përballet njëkohësisht me:
- Çmime të larta të energjisë dhe kosto të shtuara të prodhimit;
- Mungesë investimesh të huaja dhe rrezikun për largim të kapitalit ekzistues;
- Ngadalësim të rritjes ekonomike dhe humbje të vendeve të punës;
- Pezullim të dialogut strategjik Kosovë–SHBA, që dëmton rëndë imazhin dhe besueshmërinë ndërkombëtare të vendit.
Lidhja e Bizneseve të Kosovës apelon për përgjegjësi institucionale dhe zgjidhje urgjente të krizës politike, në mënyrë që vendi të rifitojë stabilitetin ekonomik dhe besimin e investitorëve. Bizneset kërkojnë qeverisje funksionale, vendimmarrje dhe një klimë të qëndrueshme zhvillimore – jo bllokadë dhe pasiguri.
Gjykata Kushtetuese së fundi ka konstatuar se Kuvendi i Kosovës nuk mund të konsiderohet i konstituuar pa zgjedhjen e nënkryetarit nga komuniteti serb. Deputetët kanë 12 ditë kohë nga hyrja në fuqi e aktgjykimit për ta përmbyllur procesin.
Ndërkohë që Kushtetuesja ka vendosur qartë për obligimet e deputetëve, partitë politike vazhdojnë të fajësojnë njëra-tjetrën.
Kryeministri në detyrë, Albin Kurti, thotë se opozita është përgjegjëse që nuk e votoi Nenad Rashiqin si nënkryetar të Kuvendit.
“Vetëm pesë vota t’ia jepnin këta 52 që janë të opozitës, sot nuk ishim duke i bërë këto pyetje dhe këto përgjigje”.
Por, PDK dhe LDK e akuzojnë Vetëvendosjen se ka bllokuar konstituimin e Kuvendit.
Për shkak të bllokadës politike, viti 2025 për Kosovën, cilësohet si vit i çuar dëm në aspektin zhvillimor të saj. Si pasojë e bllokadës në Kuvend, qindra miliona euro nga plani i rritjes i Bashkimit Evropian, të destinuara për Kosovën, ende nuk janë vënë në zbatim, ndërkohë që vendet e tjera të rajonit tashmë kanë përfituar mjetet e para nga ky plan.
Postimi ” Lidhja e Bizneseve: Nga ngërçi politik po dëmtohet ekonomia e Kosovës, mbi 1 mld euro të bllokuara ” eshte marre nga Revista Monitor.
