Banorët kanë dalë në rrugë për tëprotestuar kundër ndotjes akustike dhe mjedisore
Udhëtarët, që shkojnë në kryeqytetin portugez Lisbonë, mund të kenë së shpejti më pak opsione fluturimi, pas protestave dhe peticioneve që synojnë ndalimin e fluturimeve gjatë natës brenda dhe jashtë aeroportit të qytetit.
Një peticion, që mbështet ndalimin e fluturimeve nga ora 23:00 deri në orën 7 të mëngjesit, po merr mijëra firma nga vendasit.
Ndërsa afërsia e Aeroportit të Lisbonës me zemrën e qytetit është shumë e mirë për udhëtime të shkurtra, kjo do të thotë që aeroplanët fluturojnë në lartësi të ulëta mbi qytet çdo natë, duke shqetësuar më shumë se 200,000 vendas, sipas shifrave të peticionit.
Peticioni përfshin edhe “Aeroporte të tjera europiane me një potencial të ngjashëm ose më të vogël, të mbyllen të gjithë natën (përveç përjashtimeve dhe emergjencave).” Ky nuk është rasti në Lisbonë, ku lejohen 26 fluturime në natë dhe 91 në javë nga mesnata deri në orën 6 të mëngjesit.
Peticioni thekson gjithashtu se aeroporti shpesh nuk zbaton kufijtë dhe rregulloret aktuale, gjë që ndikon në shëndetin e qytetarëve të qytetit.
Sipas mediave lokale të lajmeve, dhjetëra banorë të prekur nga ndotja akustike u mblodhën në stacionin e metrosë së aeroportit në fillim të këtij muaji për të protestuar.
Në momentin e shkrimit, Ministri i Infrastrukturës dhe Strehimit i Portugalisë, Miguel Pinto Luz, ka njoftuar planet për të zbatuar një “shtetrrethim të ashpër” kundër fluturimeve, nga ora 1 e mëngjesit deri në 5 të mëngjesit.
Kjo nuk është hera e parë, që vendasit flasin kundër turistëve të zhurmshëm.
Vitin e kaluar, bordi kroat i turizmit hodhi poshtë pretendimet dhe ankesat se valixhet e zhurmshme me rrota ishin ndaluar në qytetin historik të Dubrovnikut.
Megjithatë, një video e mëvonshme, për të inkurajuar vizitorët të jenë të vetëdijshëm për destinacionin dhe vendasit, përfshiu pamje të një valixheje nëpër rrugët me kalldrëm, duke nënkuptuar se ishte një arsye shqetësimi.
Ndërkohë, ligjet e reja të Gjermanisë janë krijuar për të frenuar ndotjen akustike nga bisedat në kopshtet e shtëpive apo ballkone, si dhe punë të zakonshme në shtëpi apo oboor, ndërmjet orës 22:00 dhe 6:00 gjatë javës dhe gjithë ditën e dielë.
/ Shqip.al
Postimi ” Një nga aeroportet më të ngarkuara të Europës do të ndalojë fluturimet natën ” eshte marre nga Revista Monitor.
