Shtrenjtimi i çmimeve dhe shtrëngimi i normës bazë të interesit po frenojnë rritjen ekonomike të Shqipërisë.
“Treguesit për rritjen ekonomike ishin më të përkeqësuar në tetor sipas të dhënave indirekte të përkeqësuara”, tha Sejko.
Nisur nga kjo gjetje, por edhe rënia e lehtë e inflacionit në nëntor, Banka e Shqipërisë vendosi të mos rrisë më për këtë vit normën bazë të interesit për lekun duke e lënë atë në 2.75 për qind.
Ndërkohë, të paktën deri në mesin e vitit 2024, shqiptarët do të vijojnë të paguajnë më shtrenjtë për ushqimet, karburantet dhe produktet e shërbimet e tjera.
“Inflacioni pritet të ketë një pikë kthese gjatë tremujorit të katërt të vitit 2022, të reduktohet progresivisht gjatë vitit 2023 dhe të kthehet të objektivin tonë në tremujorin e katërt të vitit 2024”, shtoi Sejko.
Nisur nga pritshmëritë jo fort optimiste, A2 pyeti guvernatorin, Gent Sejko nëse Banka e Shqipërisë gjykon se ka nevojë për më shumë politika fiskale në drejtim të mbështetjes së atyre që po preken më shumë nga shtrenjtimi i çmimit dhe normave të interesit.
Norma bazë e interesit për lekun është rritur me pesë herë këtë vit, duke e çuar atë nga 0.5 për qind në 2.75 për qind. “Ilaçi i hidhur, por i domosdoshëm” nga Banka e Shqipërisë ka bërë që shqiptarët të paguajnë më shtrenjtë për këstet e kredive.
Burimi: A2 CNN
