Diamila Leka/ Scan
Instituti i Statistikave ka publikuar të dhënat demografike për tremujorin e dytë të këtij viti, ku rezulton se numri i lindjeve ka rënë me 3.4% nga ku janë regjistruar 5269 lindje në total. Por si përkthehen këto shifra për ekonominë e vendit në tërësi?
Romina Radonshiqi, eksperte:
“Së pari këto shifra tregojnë që nuk kemi një stabilitet financiar te familjet shqiptare. Që do të thoqë që familjet shqiptare janë në vështirësi, kanë një lloj lëkundje financiare duke mos lindur fëmijë. Kostoja e rritjes së një fëmije është tepër e lartë, madje të rrisësh një fëmijë në Shqipëri është njësoj si ta rrisësh në vendet e BE.”
Nga ana tjetër, ekspertja thekson se këto rezultate do të kenë ndikim edhe në të ardhmen në skemën e pensioneve.
“Së pari do ndikojë me plakjen e popullsisë gjë që ne e shohim dhe kohët e fundit. Prane dikur para ca vitesh kishim si një anë të fortë që kishim një kapital human vital dhe të ri në moshë. Por në këto momente ne kemi moshën e fuqisë punëtore të madhe. Një tjetër i uljes së lindshmërisë në të ardhmen është dhe skema e pensioneve. Në këtë moment ne e dimë shumë mirë, për shkak të emigracionit dhe për shkak të problemeve të tjera, ne shohim që kemi një skemë pensionesh problematike. Imagjino çdo ndodhë në të ardhmen kur dhe lindshmëria është në ulje”
Ndërkohë si duhet të stimulojë shteti përmes mbështetjeve sociale?
“ Qeveria ka dhënë bonuese për fëmijën e parë dytë dhe të tretë, por kjo nuk është një zgjidhje, sepse ato janë bonuse që jepen në një moment të kohës por që nuk sigurojnë apo nuk kontribuojnë në rritjen e një fëmije. Do të ishte mirë që të kishim politika sociale duke parë edhe vendet e BE, për madje dhe të rajonit siç është dhe Maqedonia e Veriut që ndihmojnë fëmijët deri në 18 vjeç me një pagesë simbolike por që ndihmon familjen dhe nxit lindshmërinë në vend.”
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
