Që prej fillimit të vitit 2023 qytetarët të cilët do të udhëtojnë me linjat ndërqytetase do të kenë mundësi që të pajisen me biletat e reja që do të tërhiqen nga platforma e transport si online por edhe fizikisht në pikat e terminaleve.
Drejtori i DPSHTRR, Blendi Gonxhe për Scan Tv zbulon se ky projekt është në përfundim teksa janë lidhur edhe marrëveshjet me operatorët e linjave në terren.
Në konferencën e zhvilluar për prezantimin e kësaj platforme, kryetari i bashkisë Tiranë Erion Veliaj tha se ky shërbim do të bëhet më i plotë me finalizimin e dy terminaleve në kryeqytet.
Platforma eTransport do të jetë e mundësueshme online ku do të tregoj të gjitha terminalet, linjat e autobusave në dispozicion, oraret në të gjitha vendet e Shqipërisë.
Gjithashtu në bashkëpunim me ministrin e Turizmit kjo platformë do të publikojë edhe aktivitetet në qytete të ndryshme me qëllim rritjen e numrit të vizitorëve.
Marinela Lina/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
