Qeveria shqiptare nuk arrin të përthithe dhe shpërndajë siç duhet fondet e alokuara nga Bashkimi Europian në formë grantesh për bizneset. Gjatë prezantimit të Programit për Mbështetjen e Konkurrueshmërisë së bizneseve të vogla dhe të mesme, i bashkëfinancuar nga BERZH dhe BE, shefi i bashkëpunimit të delegacionit të BE në në Shqipëri, u shpreh se është shqetësuese që pavarësisht se vendi ynë ka disavantazhe konkurruese në raport me rajonin, interesi për këtë program rajonal është shumë i ulët, duke e parë këtë si problem shtetëror.
Hubert Perr, Shef i Bashkëpunimit, Delegacioni i BE në Shqipëri, u shpreh: “Ne përpiqemi të rrisim bashkëpunimin midis sektoritprivat dhe sektorit publik. Ju nuk jeni konkurrues në krahasim me rajonin edhe pse ky është program rajonal dhe duhet të bëjmë disa kalkulime pse Shqipëria nuk është e interesuar. Dhe në këtë pikë nuk besoj se nuk ka interes sektori privat sepse është një paketë fantastike ku japim 15 për qind grant. Duhet të bëjmë një dialog me qeverinë dhe sektorin privat për të kuptuar se çfarë nuk shkon.”
Drejroresha e BERZH për Shqipërinë theksoi se ky program do të mbështesë akesin në financë të bizneset e vogla dhe të mesme në Shqipëri me qëlllim rritjen aftësisë konkurruese me tregjet rajonale dhe arritjen e standardeve të Bashkimnit Europian.
Programi do të zbatohet në fusha si mbrojtja e mjedisit, aftësitë në punë, siguria dhe cilësia e produkteve. Programi zbatohet përmes kredive të dhëna nga BERZH të cilat disbursohen nga banka tregtare në vend, si dhe granteve dhe asistencës teknike falas të financuar nga BE.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
