Taksa e fjetjes në hotel e cila duhet të paguhet nga çdo turist do të reformohet, në mënyrë që të shmanget informalitetit në këtë drejtim dhe të rriten të ardhurat në buxhetin e shtetit.
Ministrja e Turizmit, Mirela Kumbaro, theksoi pas mbledhjes së qeverisë se deklarimi dhe administrimi i kësaj takse do të digjitalizohet.
Kjo taksë varion nga 35 lekë në 350 lekë për një natë qëndrimi, në varësi të kategorisë së bashkisë.
E pyetur nëse paketa e re fiskale do të përmbajë heqje të favorizimeve në sektorin e turizmit, Kumbaro theksoi se ulja e TVSH-së për strukturat akomoduese ka prodhuar efekte pozitive në regjistrimin e mbi 2500 njësive pranë Ministrisë.
Ministrja bëri me dije gjithashtu, se projektligji i truizmit i cili aktualisht është në fazë konsultimi, do të sjellë risi për sektorin.
Elisabeta Dosku/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
