Investimet e Huaja Direkte (IHD) në sektorin jofinanciar të Bullgarisë u rritën në vitin 2023, thuhet në një raport të publikuar nga Instituti Kombëtar i Statistikave (NSI).
IHD-të në sektorin jofinanciar më 31.12.2023 arritën në 32,566 milionë euro me çmime korrente. Një raport i publikuar më parë nga NSI, tregon se IHD-të për vitin 2022, ishin 29,251 euro.
Në vitin 2023, vëllimi më i madh i Investimeve të Huaja Direkte është realizuar në sektorin e industrisë, me 13,527 milionë euro. Më pas, vinte sektori i shërbimeve (tregtia me shumicë dhe pakicë; riparimi i automjeteve dhe motoçikletave; transporti, komunikimi dhe shërbimet; hoteleria dhe veprimtaritë e shërbimit të ushqimit), me 7,793 milionë euro investime.
Shpërndarja e investimeve nëpër sektorë ishte e ngjashme me vitin 2022: përkatësisht 12,822 milionë euro për sektorin e industrisë dhe 6,837 milionë euro për sektorin e shërbimeve.
Në sektorin e informacionit dhe komunikimit janë realizuar 1.5% më shumë Investime të Huaja Direkte në vitin 2023, ndërsa në sektorin e ndërtimit ato kanë rënë me 0.1%. Investimet e realizuara në sektorin e informacionit në vitin 2022, ishin 3.1% më të larta në krahasim me vitin 2020, ndërsa në sektorin e ndërtimit, ranë me 0.4%.
Shpenzimet për blerjen e aseteve fikse të prekshme në të gjithë sektorët e ekonomisë arritën në vlerën 33,586 milionë BGN me çmime korrente, ndërsa në vitin 2022, arritën në 27,471 milionë BGN.
Vëllimi më i madh i investimeve në asetet fikse të prekshme ka qenë në sektorin e industrisë, me 9,053 milionë lev, i ndjekur nga sektori i shërbimeve (tregtia me shumicë dhe pakicë; riparimi i automjeteve dhe motoçikletave; transporti, komunikimi dhe shërbimet; hoteleria dhe aktivitetet e shërbimit ushqimor) me 7 749 milionë BGN, krahasuar me 6,917 milionë BGN gjatë vitit të kaluar, thuhet në raportin e NSI-së.
Postimi ” Rriten investimet e Huaja Direkte në sektorin jofinanciar në Bullgari ” eshte marre nga Revista Monitor.
