Rreth 3 mijë shqiptarë të tjerë u përfshinë vitin e shkuar në pensione vullnetare. Të dhënat nga Autoriteti i Mbikëqyrjes Financiare tregojnë se numri i anëtarëve në skemat private në fund të 2022-shit arriti në mbi 36 mijë duke u zgjeruar me 8.7 për qind në raport me vitin 2021.
Në linjë të ngjashme shkoi edhe vlera e parave të investuara e cila kapi shifrën e 5.7 miliard lekë nga 4.6 miliardë në vitin 2021 duke u rritur me rreth 24 për qind.
“Sinjal në rritje që tregon se qytetarët shqiptarë dhe aktorët ekonomikë janë të prirur drejt investimeve financiare dhe ky është një prej formave edhe jashtë që më shumti angazhon familjarët dhe të punësuarit”, shprehet eksperti Tola.
Me gjithë rritjen, aktualisht vetëm 2.8 për qind e të punësuarve në fend kontribuojnë vullnetarisht në skemat vullnetare të pensioneve. Kjo për ekspertët lidhet me disa arsye.
“Arsyeja kryesore lidhet me nivelin e pagës. Jemi vendi me pagat më të ulëta dhe kjo shpesh nuk lejon pagesa të tera”, shton Tola.
Për shkak të shifrave të ulëta të të përfshirëve në skemat e pensioneve private vullnetare AMF ka hartuar një projektligj i cili po diskutohet në komisionet parlamentare për të pasur edhe një skemë hibride pensionesh të detyruar mes privatit dhe shtetit.
Burimi: A2 CNN
