E gjithë reforma e rritjes së pagave e nisur këtë vit dhe që do të vijojë në vitin 2024, do ti kushtojë buxhetit të shtetit 39 miliardë lekë në vit. Ministrja e Financave, Delina Ibrahimaj e pyetur nga ScanTv, bëri me dije efektet në buxhet të kësaj reforme, që për 2023-shin ishte 11 miliardë lekë duke qenë se rritja hyri në fuqi në muajin Prill.
E pyetur nëse rritja e pagave të kompensohet me ndryshim taksash për bizneset dhe qytetarët, Ministrja theksoi se do të hiqen favorizimet për disa sektorë si dhe do të hyjë në fuqi metodologjia e re për vjeljen e taksë së pasurisë, e cila do të jetë sipas vlerës së tregut.
Ministrja E financave bëri një pasqyrë të ecurisë së ekonomisë në 5 mujor, ndërsa theksoi se i qëndron pritshmërisë për rritjen ekonomike në 3.7 për qind të PBB duke marrë parasysh ecurinë pozitive të disa sektorëve të ekonomisë, siç është truizmi, ndërtimi, etj.
Elisabeta Dosku /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
