Në një kohë kur gjatë vitit 2022 çmimet e rritura sollën një tejngopje në arkën e shtetit, nga ana tjetër buxheti i familjeve shqiptare po varfërohej. Referuar grupimeve që një familje shqiptare mesatare me 4 persona do të shpenzojë gjatë një muaji sipas INSTAT, ne kemi bërë një krahasim midis vitit 2021 dhe 2022.
Më konkretisht, një familje si fillim ka nevojë për ushqime ku gjatë vitit 2021, ne kemi vënë re se një familje shqiptare ka shpenzuar 34934 lekë, por gjatë viti 2022 si pasojë e çmimeve të rritura, një familje shqiptare shpezoi 39900 lekë.
Gjatë vitit 2021 një familje për transport ka shpenzuar rreth 5293 lekë, ndërkohë gjatë vitit 2022 ka shpenzuar 6346 lekë. E vijuar për shpenzimet për shtëpi ku fusim shpenzime të arredimit, qirave etj, ku një familje shqiptare shpenzoi 8496 gjatë vitit 2021, por në 2022 ka pësuar rritje dhe shpenzoi 8793 lekë.
Gjithashtu shpenzime kanë pësuar dhe grupimet e argëtimit dhe kulturës ku janë shpenzime të lehta ku sipas analizave dhe raporteve, kemi vënë re që familjet shqiptare punojnë për t’u ushqyer.
Arsimi është një nga ato grupime ku ka pësuar rritje, por jo rritje e konsiderueshme. Por duke parë që gjatë vitit 2021 një familje shqaiptare mesatare ka shpenzime mujore rreth 84548 lekë, gjithashtu në vitin 2022 kjo familje shqiptare me 4 persona ka pësuar një rritje duke pasur shpenzim mujor rreth 92105 lekë mesatarisht.
Pra shohim që familjet shqiptare e kanë të pamundur që në fund të muajit, nëse vetëm një nga familjarët punon me një pagë minimale, të arrijnë kostot e shpenzimeve mujore.
Diamila Leka /
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
