Në harkun kohor të një viti, sistemi bankar ka rritur treguesit financiar, asetet, si dhe numrin e të punësuasrve. Sipas të dhënave të saporaportuara nga Shoqata Shqiptare e Bankane, në fund të marsit, totali i asteve të sistemit bankar ka arritur në 1.87 trilionë lekë, nga 1.78 trilionë në tremujorin e parë të vitit 2022. Rritje ka shënuar edhe numri i të punësuarve në sistem, 6,631 në tremujorin e parë të vitit të shkuar, në 6,743.
Në terma vjetorë, kredia për sektorin privat u rrit me 8.5%, nga 10.6% që shënoi në fund të vitit të kaluar. Krahasuar me fundin e vitit 2022, portofoli i kredisë u rrit me 3.2 miliardë lekë. Në veçanti, kreditimi për bizneset ka reflektuar rënien e kërkesës për kapital qarkullues, si pasojë e uljes së pasigurisë dhe e likuiditetit të lartë që ka ky segment. Nga ana tjetër, ngadalësimi i kredisë në segmentin e individëve ka qenë më gradual, ndërsa bankat janë më tolerante dhe kanë lehtësuar kushtet e ofertës për këtë segment.
Në fund të tremujorit të parë, depozitat në total të bankave kanë shfaqur rritje vjetore me 9.6%, nivel ky i ngjashëm me rritjen mesatare të shënuar në gjysmën e dytë të vitit 2022. Kjo ecuri reflekton rritjen e ngadaltë të depozitave në lekë (2.9%), ndërkohë që depozitat në valutë kanë vijuar të rriten me norma dyshifrore (15.7%). Zgjerimi i ngadaltë i depozitave në lekë është ndikuar nga zhvendosja e kursimeve të individëve drejt investimeve në letrave më vlerë të qeverisë, kthimet nga të cilat janë rritur ndjeshëm më shpejt se ato të depozitave. Struktura e fondeve të bankave vijon të zhvendoset drejt atyre në valutë, të cilat përbëjnë rreth 54.1% të totalit, ose 1.2 p.p. më shumë se e njëjta periudhë një vit më parë.
Lorenc Rabeta/
Burimi: ScanTv.
Ripublikimi mund të bëhet vetëm kundrejt citimit të autorësisë dhe burimit origjinal.
