Shkarkimet e padrejta nga puna në 9 vitet e fundit i kanë kushtuar Buxhetit të Shtetit 15,2 miliardë lekë, apo rreth 135 milionë euro.
Vitin e shkuar për këtë qëllim trokitën në dyert e gjykatave administrative 48 qytetarë. Në raportin vjetor 2022, Komisioneri për Mbikëqyrjen e Shërbimit Civil vlerëson se pa përgjegjshmëria e drejtuesve të institucioneve po dëmton Buxhetin e Shtetit.
“Njerëzit po vijojnë të hiqen nga puna për arsye politike. Gjykatat, në më të shumtën e rasteve gjejnë se shkarkimi ka qenë i paligjshëm. I dëmtuari merr rreth 12 paga dhe kjo shkakton një dëm të konsiderueshëm ekonomik për shtetin,” shprehet Gertjana Hasalla nga Qendra për të Drejtat në Punë.
Historia jon politike dhe e punësimeve ka treguar se pas fushatës zgjedhore e në varësi të rezultateve shkarkimet e padrejta nga puna shtohen. 2023 është një prej atyre viteve me garën bashkiake të 14 majit.
“Do të shohim që në disa bashki, militantë të njërës pari do t’i zënë vendin palës tjetër. Kjo ndodh rëndom. Ata që kanë qenë në punë me shumë gjasa më pas do të marrin.”
Për të dekurajuar vendimet joligjore të shkarkimit nga puna ka pasur disa propozime për të veshur me përgjegjësi titullarët e institucioneve. Të gjitha nismat deri më tani kanë mbetur pa u konkretizuar.
Burimi: A2 CNN
